Mate Restu Komemora Masakre Marabia “David Dias: Loron 10 Junu Sai Istoriku Ba Nasaun Timor-Leste”

.

 Notisia Husi TVTL - Tersa-Kalan, 11 Junhu 2013

Atu hametin Unidade nasional mate restu masakre Marabia komemora loron 10 fulan Junu hanesan loron istoriku ba nasaun Timor Leste.

Loron 10 fulan Junu hanesan lron istoriku ba nasaun Timor-Leste ba dala 33, tamba iha loron 10 fulan Junu tinan 1980, Marabia ho nia kronologia hatudu ba mundu katak, Aswain FRETILIN iha Timor-Leste sei eziste nafatin maske okupasaun Indonezia hahu iha tinan 1975.

Iha Omilia, padre Jordao Madeira hateten, iha loron Masakre Marabia ne’e akontese rejulta aswain Timor-Leste hamutuk 75 mak lakon sira nia vida iha tempu ne’e no balun to’o agora buka la hetan.

Vitima Masakre marabia husi Distritu 13 husu ba Ministeriu kompotente atu reliza Monumentu Masakre Marabia iha fatin akontesementu atu sai hanesan istoria Luta ba nasaun ida ne’e.

“Komemorasaun ne’e atu hanoin hikas fali akontesementu ida hodi fo valor ba malu, valor primeiru mak sira neebe mak mate, valor ba sira ne’ebe mak terus, valor mos ba Timor oan,” dehan David Dias.

Iha serimonia komemorasaun ne’e, partisipa husi vitima masakre Marabia ho familia, Governu, Sosiedade sivil, liu husi misa, dansa tradisional husi grupu Bairo Marabia rasik, kontinua tau serimonia aifunan iha fatin akontesementu.

.