Manuel Testamunha Fo Sasin: “Kronoljia Pessoal Polisia Baku Joven”

.

Jornal Independente - Kinta-Feira, 06 Junho 2013 

Kazu ne’e akontese iha sesta-feira, 31 Fulan-Maiu, maizumenus tuku 9:00 dadersan, iha Aldeia Audian, Suku Santa Kruz, Dili akontese problema entre labarik joven nain rua husi Distritu Oecusse ne’ebe mak servisu iha loza Lucky Lake House Audian Dili. 

Testamunha Mnauel da Silva informa ba Independente katak, Joven nain rua mai husi Distritu Oecusse, ida naran Jose (Aje), no ida seluk naran Pedro (Apeu) servisu iha loja ne’e. 

“Tuir hau nia hatene, Jose ka Aje servisu iha loja ne’e nu’udar tunu paun, no Aje nu’udar bagian dulas mesin iha loja refere, maibe tan deit Aje foin tama servisu tinan rua, no Apeu tama ona Loja Lucky Lake House ne’e kuaze tinan lima ona, entaun ida servisu kleur haruka ida foin tama ne’e, la tuir ida servisu kleur ne’e nia hakarak, entaun Apeu raut Aje to’o kleuk didiak,” hasara Manuel. 

“Entaun Jose ba fo hatene iha Polisia, Polisia mos haruka Aje atu mai Bolu Pedro, atu nune’e bele rejolve problema ne’e iha Polisia, maibe polisia sira hein pedro kleur liu la ba, enttaun polisia mos mai to’o kedas iha fatin akontesementu,” dehan nia. 

Nia hatutan, hafoin Polisia sira to’o, Polisia Task Force ho kareta isin ida diretamente tama ba edifisiu Loza Lucky Lake House nia laran hodi rasta sai mai liur hodi baku, tebe, tuku to’o pedro monu ba rai, maibe polisia kontinua baku to’o Pedro hetan grave. 

 “Entaun hau hare senor deputadu castro kala senti ba la diak, hodi hakat ba komandante ida hodi husu ita boot sira para ona, labele baku ona, entaun membru polisia lubuk ida dehan ba deputadu ne’e katak, ida ne’ebe deputadu ne’e mak ami buka, entaun senor deputadu ne’e hakat ba, Polisia balun haksoit husi kotuk atu tuku Deputadu castro maibe kois deit husi oin,” konta tuir Katuas Manuel iha Audian, Dili (5/6). 

 “Entaun populasaun iha area barak senti la diak, tanba hare ba alin joven Pedro ne’e atu mate ona, entaun ami mos konfia hela deputado Castro, entaun ami mos ho konsekuensia atu hasoru duni polisia, maibe polisia konsege lori halai ba estasaun polisia,” dehan nia. 

Katuas Manuel ne’e mos haktuir katak, nia la konkorda ho atuasaun Polisia, tanba baku Joven ida ho Polisia Task Force kareta isin ida. 

.