“Kazu Mafia Iha Prosesu Investigasaun”

.

Jornal Nacional Diario - Kuarta-Feira, 12 Junho 2013 

Grupu Mafia ne’ebe halo movimentasaun maka’as los iha Dili laran, oras ne’e komunidade sira kaer ona nain rua ho naran inisial Leso no La, no tama ona ba prosesu investigasaun husi Polisia nasional Timor-Leste (PNTL). 

“Agora dadaun ami rejista ona kazu grupu mafia ne’ebe maka akontese iha Dili no buka hela lokasia para atu ba kobre informasaun klaru iha fatin ne’ebe sira hela ba no agora tama ona ba iha prosesu investigasaun nia laran,” dehan komandante Servisu investigasaun Kriminal (SIK) PNTL, Distritu, Dili, Inspector xefi, Mateus da Costa ba Jornalista sira iha servisu fatin, komandu Distritu Dili, Tersa (11/6). 

Mateus da Costa afirma, prosesu ba kazu ne’e sei la taka ba justisa no nia prosesu kontinua lao nafatin to’o remata, maski komunidade vitima no ema hotu la konkorda kuandu kaer ona ema sira hanesan ne’e husik lao livre, dehan Mateus katak, ne’e lalos, tanba primeiru kaer nia lori mai rejistu foti nia identidade kompletu hodi hein ba prosesu investigasaun no sei la taka. 

”Laos kaer sira mai lori ba hatama ona iha prizaun preventiva, ne’e lae maibe ne’e tenki liu husi prosesu, ba prosesu foin bele hotu no sei la taka e prosesu sei kontinua ba oin,” dehan Mateus.

,