Kazu Hera “Pedro Belo La Konkorda Akuzasaun MP”

.

Pedro Belo

Jornal Timor Post - Sabadu, 08 Junho 2013 

Komandante Distritu Dili, Superitendente Xefe Pedro Belo la konkorda ho akuzasaun pena tinan 12 to’o 25 ne’ebe Ministeriu Publiku halo hasoru membru Polisia Nasional timor Leste (PNTL) ba kazu Hera. 

“Hanesan komando ami ladun konkorda, tanba ita hatene bainhira mosu roblema iha loron 15 no 16 Junu, ita hatene situasuan ida ne’ebe kef o amesa ba estabilidade nasional,” Pedro Belo hateten iha konferensia imprensa iha komando Distritu Dili, Sesta (7/6). 

Pedro hatutan, momentu ne’eba membru Polisia tomak Timor Leste, liu-liu iha komando Distritu Dili atu halo atuasaun oinsa mak atu hakalma lalais situasaun iha terenu, ne’e problema ne’ebe mak membru hasoru, ida ne’e hau sente la dun justu, loloos ne’e responsablidade problema instittusional, laos tau fali ba pesoal maka atu lori. 

“Problema ne’e fo ameasa ba problema nasional, ne’e responablidade Governu no estadu, la’os tau fali ajente maka atu ba responsabliza ba kazu ne’e, ita hatene iha momentu ne’eba problema lao maka’as, ema hotu-hotu preokupa ba situasaun ne’e, maibe oras ne’e situasaun hakmatek no ema hotu tur nonok iha nia uma, agora polisia mak sai fali vitima ba kazu ida ne’e,” Pedro lamenta. 

Pedro Belo lori PNTL Distritu Dili nia naran, la konkorda desizaun ne’ebe mak iha, tuir nia, problema ne’e lolos tau ba iha instituisaun polisia, governu no estadu maka iha responsabldiade, laos tau fali ba iha pesoal mak responsablidade. 

 “Hau hanoin ami sei prepara nafatin atu halo rekursu atu iha defensor balun para halo rekursu, maibe importante ba kazu ne’ebe maka akontese ne’e responsabldiade governu no estadu nian, no governu no estadu maka iha dever no obrigasaun para fo defensor ida hodi asistensia ba ajente, laos sira nonok deit, halo ami agora halai tun sa’e buka defensor,” nia hatutan. 

Nia dehan tan, ajente sira halao servisu estadu nian no hakalma situasaun ne’ebe maka akontese, ita hotu hakompania deklarasaun husi sasin sira nian iha Tribunal ne’e barak liu mak falsu, laos hanesan buat ne’ebe maka akontese. 

Tanba ne’e, nia husu ba Ministeriu Publiku (MP) atu fo loloos informasaun ne’ebe mak balansu, laos fo deit mak kondenasaun ba membru nain rua e sira seluk MP la halo balansu. 

Tanba ne’e mak hanesan komandante Distritu Dili nian, nia la konkorda desizaun ida ne’e, se kuandu iha loron 25 Junu ne’e mak hatun nafatin, entaun nia sei iha ajente nain 2 nia kotuk para halo rekursu nafatin to’o desizaun ne’e remata. 

Nota do blogue:  Isto está cada vez pior. Agora o comandante da PNTL de Díli está a questionar e acha "injusto" os 25 anos de cadeia que o MP pediu para o agente policial que matou barbaramente,  um rapaz inocente em Hera, no ano passado. É, de facto, injusta a pena, o criminoso devia de ser sentenciado com a prisão perpétua, na falta da corda... O Sr. Pedro Belo devia de se ter calado e NÃO INTERFERIR COM A JUSTIÇA. Isto parece a República das Bananas, até a polícia se intromete na justiça, mas o quê isto???

.