Kalbuadi Asume Kargu Rua, “Kargu Governu Ne’e Importante”

.

Jornal Nacional Diario - Tersa-Feira, 04 Junho 2013 

Alende kaer pasta Ministru Turizmu no Kultura, Francisco Kalbuadi Lay, assume mos kargu nu’udar Prezidenti Federasaun Futebol Timor Leste (FFTL), tanba ne’e reprejetante povu iha uma fukun Parlamentu nasional (PN) husu ba kalbuadi atu tau importansia ba kargu Governu nian, hodi labele prejudika servisu iha instituisaun Governu. 

“Ba hau importante ba senor Kalbuadi mak kargu ida Governu nian ne’e labele husik hela, enkuantu nia hakarak hala’o servisu iha instituisaun rua, maibe labele abandona servisu, liu-liu servisu Governu nian, no loron ruma ita haree took rezimentu ne’e,” katak Deputado Felisberto Monteiro husi Bancada FRETILIN, segunda (03/6) iha Parlamentu Nasional. 

Tuir nia katak, membru id abele assume kargu rua, maibe tenki iha rejimentu ruma, atu nune’e bele iha consensus hodi bele hola desizaun, hanesan orgaun kolektivu. 

“Mas kargu rua ne’e mak ita la husik ida mos iha problema boot ida, tanba ema ida tidak munkin atu servisu area ida ke luan hanesan ne’e, nia halo hotu durante nia mandatu, ne’ebe presija defini rejimentu,” katak nia. 

Deputadu Opozisaun FRETILIN ne’e husu ba Primeiru Ministru, karik fatin FIFA maka laiha, bele defini rejimentu ruma, atu nune’e ema ida tenki fokus ba nia area ne’ebe membru Governu servisu ba. 

Klaru katak, ita hotu hatene katak, FFTL ne’e nu’udar instituisaun independenti, maibe importante ba kalbuadi maka tenki servisu tuir regras ne’ebe maka iha, tatoli deputadu FRETILIN ne’e. 

Tuir publiku nia haree ba kargu rua ne’e la diak, tanba ema mak la iha ka halo nusa, maibe tuir legalidade ne’ebe maka iha, presiza mos iha rejimentu interna, tuir estatutu ne’ebe iha FFTL, hateten tan deputadu FRETILIN. 

Iha fatin hanesan, Deputadu husi bancada CNRT, Manuel Guterres klarifika katak, antes Francisco kalbuadi Lay assume kargu nu’udar Ministru Turizmu, Francisco Kalbuadi Lay assume kargu nuudar Ministru Turizmu, Kalbuadi kaer pasta nu’udar Prezidenti FFTL. 

Deputadu ne’e mos preokupa ho periodu ne’ebe kalbuadi kaer pasta nuudar preZidenti FFTL, tanba ema barak hanoin Prezidenti FFTL troka tiha ona ema seluk, maibe afinal seidauk troka. Iha fatin seluk, Sekretariu jeral FFTL, Amandio Rekonese katak, Francisco Kalbuadi Lay sei assume nafatin kargu Prezidenti FFTL, maski Kalbuadi oras ne’e assume kargu nuudar Ministru Turizmu no Kultura. 

Amandi dehan, tuir estatutu FFTL laiha influensia ba ema ida atu sume kargu rua, maske FFTL nu’udar instituisaun Independenti. “Federasaun iha mundu tomak balun assume tan kargu hanesan Prezidenti Republika, Iha Iraun Vice Prezidenti maka Prezidenti Federasaun, iha Singapura membru Parlamentu maka Prezidenti Fedrasaun, iha Vietnam Primeiru Ministru nia oan rasik mak Prezidenti Federasaun, 

.

Iha Qatar Ministru Rekursu Natural maka Prezidenti laiha problema, justisa ida ne’e mak diak ba ita nia federasaun,” dehan nia. 

Tuir Statutu FFTL inklui FIFA, 100 pursentu la iha influensia ba membru Governu ida assume tan instituisoens Independente, ne’e maka bele fo benefisiu ba Federasaun no FIFA,” hateten Sekjer FFTL, Amandio iha nia kna’ar fatin (3/6).

.