“Kalbuadi ‘Alerjia’ Ho Jornal INDEPENDENTE”

.

Jornal Independente - Sesta-feira, 21 Junho 2013 

Ministru Turizmu no Kultura (MTK), Francisco Kalbuadi Lay arepende no trauma ho pergunta husi Jornalista Jornal INDEPENDENTE kona ba area turizmu baziku ne’ebe publiku konsidera to’o oras ne’e abandona hela. 

 “Lalika mai hanorin hau, hau haan masin barak liu, ita boot (Jornalista) haan etu,” hateten kalbuadi ba Jornalista sira, Kinta (20/6), iha salaun konferensia Ministeriu Turizmu, Farol-Dili. 

 Nia mos dehan, pergunta ne’ebe Jornalista INDEPENDENTE husu ne’e ‘titipan’ husi politiku balun. Ministru husu tan, ne’e INDEPENDENTE toh? Hahaha, o (jornalista) lalika tendesiozu, tanba o ne’e hau hafal o husi ain to’o ulun”. 

Iha konferensia ne’e, Kalbuadi ho expresaun hirus hodi koalia hasoru Jornalista Gaudencio F. Marques (Dede) katak, labele ba hanorin nia atu hala’o programa governu nian, tanba nia iha esperensia diak atu dezenvolve area Turizmu iha Timor Leste. 

Maske nune’e, hafoin konferensia imprensa, tuir observasaun diariu ne’e katak, Kalbuadi hakat ba kaer liman ho jornalista sira, no hateten, labele hirus ho liafuan ne’ebe nia koalia ona. 

“Imi hein lai”, hateten Kalbuadi ho oin midar wainhira jornalista sira atu fila ona ba halao servisu seluk, no Klabuadi lao neneik hodi hakbesik aan ba nia funsionariu balun hodi bisu-bisu prepara envlope ba jornalista sira. 

Liu minutu hirak nia laran, funsionariu ida ho naran Alberto Alves lori dadaun evlope hodi fahe ba jornalista sira. 

 “Ne’e ba imi ense pulsa,” hateten Alberto Alves no kontinua fahe evlope ne’ebe tau osan U$10 iha laran. Jornalista balun lakohi simu envlope ne’e, maibe jornalista balun husi Timor Post, INDEPENDENTE, Diario Nacional no TVTL konsege simu ho ideia atu sai hanesan evidensia ida. Hafoin jornalista sira simu envlope, sai ba liu, Jornalista sira dekobre, no tau hamutuk osan hamutuk U$40 atu entrega fila-fali ba MInisteriu Turizmu. 

“Ne’e atetude ne’ebe la diak, no ne’e bele estraga independente media nian atu hakerek lia los,” Afirma Marcos da Silva, Jornalista husi Jornal Timor Post. Entertantu, Diretor Jornal INDEPENDENTE, Mouzinho Lopes de Araujo diskorda deklarasaun Ministru Kalbuadi. 

 “Hau totalmente la konkorda ho akuzasaun Ministru kalbuady hakarak hatene loloos se mak ami? Hau nuudar diretor maibe durante ne’e la kohi intervein servisu redasaun nian, tanba hau hakarak jornalista sira servisu ho independente duni, redasaun jornal ida ne’e hala’o nia servisu bazeia ba kode etika,” dehan Mozinho. 

Nia hatutan, Jornal INDEPENDENTE hamrik laos atu sobu rai ida ne’e ou hakarak sai traidor fali ba rai ida ne’e, jornal ne’e hakarak kontribui ba dezenvolvimentu nasional, espesialmente iha area demokratizasaun, tanba ne’e jornal ida ne’e semore tau interese publiku aas liu interese pesoal ka grupu. Ministru Kalbuadi dehan nia makan ‘garam’, Diretor Mozinho dehan, klaru katak, Ministru iha esperensia iha ninia area, Ekipa Jornal INDEPENDENTE mos iha esperensia iha ninia area, ema ne’ebe hatene jornalismu nia sempre hatene koalia tuir etika no regra jornalismu nian. Ministru Kalbuadi nia hahalok ne’e perigu ba liberdade imprensa iha rai ida ne’e. 

Nu’udar membru governu, Mouzinho hateten, senor kalbuadi tenki nakloke aan ba publiku, povu hakarak hatene lalaok servisu Ministeriu ne’ebe nia lidera. “Maibe ami la’os han etu, maibe dezde uluk kedas ami han batar deit,” dehan nia. 

“Labele uza poder politiku hodi harahun demokrasia,” tenik nia. 

Nia dehan, karik Ministru Kalbuadi sente trauma ba perguntas sira husi Jornal INDEPENDENTE, nia tenki hateten de’it, lalika manipula fali opiniaun.

Nota: O sr. ministro mete nojo aos cães!!! O envelope com dinheiro que ofereceu aos jornalistas devia de ter sido esfregado no seu focinho e fazer-lhe engolir nota por nota !!! PORCO DE MERDA!!!Se tivesse sido eu, o merdas do ministreco tinha levado um valente murro nas trombas, garanto-lhe que nem lhe sobrava um dente a esse criminoso!

,