Informasaun Kompania Abandona Projeitu “Diretor Geranca Rekonese Projeitu Ne’e Nia Halo Sub Kontratu Ba Kompania Seluk”

.

Notisia Husi TVTL - Kuarta-Kalan, 05 Junhu 2013 

Diretor kompania Geranca Unipesoal garante sei finaliza konstrusaun projeitu Eskola Teknika Profesional Akaderuhun fulan ida ne’e. 

Oracio Noronha hateten katak, nia la abandona projeitu tamba ne’e husu ba trabalador sira atu kontinua hala’o servisu tuir tempu ne’ebe determina. Sosieade sivil komunidade no Diretor Eskola tekniku professional Akaderuhun, Same kestiaona kona ba konstruksaun Projeitu ba edifisiu eskola ne’e seidauk remata. 

Hata’an ba duvidas hirak ne’e, Diretor kompania Geranca Orasio Noranha hateten, nia garante sei finaliza projeitu ne’e iha fulan ida ne’e nia laran. 

“Ne’e signifika katak ne’e failansu ida, ida ne’e ba hau nia pesoal haree katak, sira halo promove ba hau no ba futuru, kontratu ne’e iha amandamentu to’o fim do Junhu, sei iha fulan ne’e nia laran, entaun targeitu ba projeitu atu entrega ne’e, sei entrega iha 25 de Junhu,” dehan Diretor komania Noronha. 

Noronha mos esplika katak, hanesan ema Timor oan nia la abandona prjeitu tamba to’o oras ne’e laiha keixa ruma husi trabaladores sira. 

 “Durante ne’e laiha keixa ruma katak iha ‘hambatan’ ne’eba, maibe buat hitu tuir relatoriu ne’ebe sub kontraktor hato’o mai hau, servisu la’o e laiha problema, tamba prosesu pagamentu hau selu tuir konkordansia ne’ebe mak ami iha, hau seidauk abandona obra ne’e iha Distritu ne’eba,” dehan Noranha. 

Hata’an ba trabalador sira ne’ebe dehan, falta ai-han Noranha hateten, projeitu ne’e nia fo ba sub kontraktor, tamba ne’e responsablidade kompania ne’ebe hetan sub kontraktor ida ne’e. 

,