IGE Deskobre “MS Ho ME Mak Komete Mal Jestaun Barak Liu”

.

Jornal Nacional Diario - Kinta-Feira, 06 Junho 2013 

Inspeksaun Jeral do Estado (IGE) iha nia servisu durante ne’e dekobre ona katak, Ministeriu edukasaun (ME) no Ministeriu Saude (MS) iha mal jestaun no mal Administrasaun barak tebe-tebes. 

IGE, Insepctor Francisco Carvalho hateten lia hirak ne’e ba jornalista sira iha edifisiu Ministerio Negosio Estranjeiru no Cooperasaun (MNEC), praia dos Coqueiros, Dili, KUarta (5/6), hafoin halao serimonia asinatura Memorandum of Understanding (MoU) ho Centro Edukasaun Dezenvolvimentu Administrasaun no Jestaun-Fundasaun Edukasaun Audit Interna (PPAM-YPIA) Indonezia. 

Inspector Francisco Carvalho, hateten IV Governu Konstitusional iha kazu mal jestaun no administrasaun IGE sempre intrega ikas ba Ministeriu ida-idak hodi tau matan problema mal jestaun no administrasaun ne’ebe mak iha. 

 Iha IV Governu Konstitusional IGE halo inspeksaun no intrega kazu ne’ebe maka konsidera hanesan krime entrega ba Ministeriu Publiku no Komisaun Anti Korupsaun hodi halo investigasaun. 

Iha V Governu konstitusional, IGE hamutuk prokuradoria dos Direitos Humanus e Justica (PDHJ) no instituisaun relevante halo ona insepeksaun no fo hanoin ba instituisaun sira ne’ebe mak IGE nota hanesan iha mal jestaun no administrasaun, nune’e Ministeriu ida-idak bele tau matan ba problema ida ne’e. Maske V Governu ne’e seidauk hala’o kna’ar to’o tinan ida, maibe IGE nota ona katak, iha Ministeriu Saude no Ministeriu Edukasaun mak iha mal jestaun no administrasaun kontinua akontese. 

“Mal jestaun ne’e iha, mal administrasaun ne’e iha, hau seidauk bele dehan ejekuta ba ita boot sira mas hanesan atu dehan katak, sei akontese iha Ministeriu saude (MS) no Ministeriu Edukasaun (ME). 

Ministeriu seluk ne’e iha ida-rua mas ida barak liua ne’e mak MS no ME, i agora ami servisu hamutuk ho sira par abele prevene buat sira hanesan ne’e, iha Ministeriu sira agora dadaun ne’e mos koopera ami diak tebe-tebes,” dehan IGE, Francisco Carvalho. 

Ba Problema mal jestaun ne’e, IGE husu Direktor Eskola sira atu tau matan ba estudante sira no mos meja, kadeira no sasan seluk estadu nian ne’ebe mak tau iha eskola ida-idak, inklui mos departementu ida-idak atu kontrola sasan sira ne’ebe maka iha. 

Parte Ministeriu saude nia mos iha mal jestaun barak, tanba ne’e mak IGE sei kopera ho Ministeriu kompotente atu bele hadiak problema sira ne’e.

.