“HNGV Mos Bele Fo Tratamentu Ba Lucia Lobato”

.

Jornal Nacional Diario - Segunda-Feira, 10 Junho 2013 

Hospital Nasional Guido Valadares (HNGV) deklara, bele fo tratamentu mediku ba prijioneira Lucia Lobato ba moras “Diagnosa” ne’ebe mak prijioneiras ne’e sofre. 

“Relatoriu mediku ne’ebe espesialista sira hasai ne’e klaru, tanba esplika kontiudu moras ne’e intervensaun saida ita bele halo, se sira husu perguntas ida ne’ebe mai ami esplika tiha ona, nune’e laiha intensaun ida mak hateten katak, tratamentu ne’ebe bele halo ita dehan labele, moras ne’ebe iha hela Prijioneira Lucia Lobato ne’e it abele halo iha ne’e, tanba ne’e laiha ida halo fali ejaminasaun ida ne’ebe barak maibe nia objetivu hanesan deit,” Direktor Klinika HNGV, Aniceto Cardozo Barreto, deklara asuntu ne’e ba Jornalista sira, Sesta (7/6) iha ninia servisu fatin HNGV, Bidau, Dili, hodi responde karta notifikasaun husi Tribunal Rekursu (TR) ba dala rua ba iha HNGV iha kuarta (5/6) ne’ebe parte HNGV resposta iha loron kinta (6/6) semana kotuk. 

HNGV konsidera karta notifikasaun TR ne’ebe fo perguntas ba HNGV la bazeia ba khonesementu ne’ebe klean kona ba moras neebe Prijioneira Lucia Lobato iha no tuir Relatoriu Dr. Espesialista HNGV hasai iha dia 13 de Maiu ke klaru ona. 

 Aniceto mos akresenta katak, karta notifikasaun bad ala rua ne’e husu kona ba rezultadu Bioksia ba tisu no jaringan Lucia Lobato nian durante halo tratamentu iha HNGV maibe Prijioneira Lucia Lobato rasik iha momentu ne’e la kohi atu halo Bioksia (hasai ran-Red). 

Nia mos esplika liu tan katak, resposta husi HNGV ba karta Notifikasaun iha dia 13 de Maiu fulan kotuk liu ba iha ona esplikasaun ne’ebe klaru, tanba ne’e husu TR haree didiak. 

 “Sira nia notifikasaun bad ala rua ne’e husu kona ba Bioksia (sona husi parte moras para atu hasai ran), ba tizu no jaringan hodi halo izame patologiku maibe iha momentu ne’eba prijioneira rasik mak la kohi halo Bioksia, ne’e ita atu halo nusa, i Bioksia ne’e mos it abele halo iha ne’e,” koalia Direktur Klinika HNGV, Aniceto. 

Antes ne’e iha fulan hirak liu ba, prijioneira Lucia Lobato nuudar mos eis Ministra da Justica (MJ) iha Governasaun Aliansa Maioria Parlamentar (AMP) ne’e husu rasik para atu halao tratamentu medika iha rai liur. 

.