Notisia Husi TVTL - Kuarta-Kalan, 05 Junhu 2013
Estudante Fakuldade Engeneira husi Universidade Nasional Timor
Lorosa’e (UNTL) husu ba dirijente UNTL atu kria kondisaun ba sira.
Problemas ne’ebe durante ne’e sira infrenta maka falta transporte no
durmitoriu ba estudante sira.
Ohin (5/6) Estudante fakuldade Engeneira husi UNTL la tuir prosesu
ensino aprendizazen, hotu-hotu konsentra iha kampus sentral hodi ezizi
ba Senadu UNTL atu rejolve problema ne’ebe sira hasoru.
“Husu ba dirijente UNTL to’o bainhira los maka ami estudante UNTL bele
iha fasilidade Durmitoriu no trasporte ne’ebe sufisiente ne’eb oras
ne’e dadaun abandona hela, duke ami hare hanesan animal sira hanesan
fahi no bibi maka utiliza, husu ba senadu UNTL no parte edukasaun atu
prosesa lalais durmitoriu no nia prosesu ne’e to’o iha ne’ebe ona,
tamba tinan 3 ona ami la dauk hetan rejultadu, osamentu ba durmitoriu
3 ne’e hamutuk U$100,020 (rihun atus ida rua nolu dollar Amerkanu),
nene’ebe aprova ona husi Parlamentu Nasional iha tinan 2011, se karik
ami nia ezizensia ne’e mak la hetan resposta maka ami ami pronto sei
halo nafatin boikot iha kampus sentral to’o hetan nia rejultadu
pozitivu,” deklara Prota Vos Estudante UNTL.
Problema falta de transporte no durmitoriu sai hanesan problema
antigu, maibe senadu UNTL la dauk rejolve to’o agora.
Ekipa TVTL la konsege hala’o konfirmasaun ba reitor UNTL Aurelio
Guterres tamba sei ba hela iha estranjeiru.
.
Sem comentários:
Enviar um comentário
Nota: só um membro deste blogue pode publicar um comentário.