ES Venilale Faltas Salas De Aulas No Livrus

.

CJITL - Segunda-Feira, 10 husi Juñu 2013

Venilale,Direitor Ensinu Sekundariu Venilale Filial eskola numeru 2 Vila Nova Baucau,Alcino dos Santos,hateten prosesu aprendijajem lor-loron lao diak,maibe buat ne’ebe maka sai preokupasaun ba sira maka faltas salas de aula no livrus ba segundu ano nian.

“Desde 2002 to’o ohin loron prosesu aprendijajem lao ho diak maske hasoru difikuldades ne’e oi-oin”dehan Alcino Iha Nia kna’ar fatin ES Venilale sabado(08/06).

Tuir Alcino Katrak,difikludades ne'ebe maka sira infrenta maka faltas salas de aulas inklui mos livrus.
.

"Ami nia difikulades primeiro maka edifisio eskolares nian,hanesan turmas ne'ebe la favorese no la diak,segundu maka livrus,iha primeiro ano ami hetan maibe segundu ano nian ami la iha  kuaze materiais hotu-hotu"dehan Alcino

Tanba ne’e Direitor refere husu ba orgaun kompetente atu hare mos kestaun hirak ne’e atu nune’e bele hadia diak liu tan prosesu aprendijajem iha futuro.

Tuir observasaun jornalista CJITL nota katak,eskola refere mos kondisaun a'at,no didin deit ho au,meza no karteiras mos la sufisiente.

Eskolas ne'e oras ne;e rejista estudantes ho total nain 416, kuaze kada tian numero ne'e kontinua sa'e ,ho profesores hamutuk 19, permanentes hamutuk nain 14 no nain 5 hanesan kontratadu.(CJITL/Amandio)

.