Detekta Membru Governu Balun Loke Bankaria Iha Indoensia “LABEH Ezizi PN Ratifika Rezime Internasional Fase Osan Nian”

.

Gil Da Silva Guterres

Notisia Husi TVTL - Kinta-Kalan, 06 Junhu 2013 

Lalenok Ba Ema Hotu (LABEH) detekta ona membru do Governu balun loke ona konta bankaria iha rai liur. Diretor LABEH Gil da Silva Guterres konsidera katak, atetude ida ne’e bele fasilita korupsaun, tan ne’e husu ba Governu atu tau atensaun ba kestaun ne’e. 

Tuir mai deklarasaun kumpletu husi Diretor LABEH: 

“Tamba LABEH detekta tiha ona iha membru governu, husi Governu actual ida ne’e, ne’ebe sira iha konta Bankaria iha rai liur, nasaun ida ne’ebe mak agora LABEH deskobre ona katak, membru Governu sira rai sira nia osan maka Indonesia, ne’ebe tuir rejime internasional ba anti ba fase osan ninian, ida ne’e proividu tanba ne’e bele fase osan estadu ninia ne’ebe mai husi osan krimi ninia hanesan krimi publiku ne’ebe ita bolu Korupsaun ninian, ita hatene katak iha Timor Leste agora isu ida korupsaun afeita tebe-tebes ita nia nasaun no ita agora luta maka’as hela ba promove transperensia no akontablidade i ne’e ameasa boot ba ita nia estadu bainhira ita ninia membru Governu sira loke bankaria konta bankaria iha rai seluk, tamba ne’e LABEH eziji ba estadu atu urjentemente ratifika, liu-liu ba Parlamentu Nasional atu ratifika rejime internasional ba anti Fase osan nian, segundu fali, LABEH eziji atu Governu urjentimente estabelese unidade intelejensia finansial hodi monitoriza membru governu sira nia konta Bankaria iha Banku sira iha ita nia rai laran, prujemplu, transaksaun konta bankaria Ministeriu ida ninian iha Banku ANZ fulan ida ne’e derepenti de’it sa’e, osan ne’e mai husi ne’ebe, entaun ita bolu unidade de intelejensia finansial ne’e sira nia servisu atu kontrola, iha nasaun seluk, hanesan Indonesia mos sira iha unidade ida ne’e, ita nia presiza estabelese unidade ida ne’e atu nune’e unidade ne’e loron-loron kontrola trasferensia osan, kontrola transaksaun membru Governu sira, kontrola funsionariu publiku sira, iha nia konta bankaria derepente deit sa’e, osan ne’e mai husi ne’ebe, LABEH mos hakarak fo hanoin ba Governu katak, tenkiser rona konsidera fase osan ne’e hanesan krime extraordinariu ida ne’ebe presija lalais atu fo atensaun,” deklara Diretor LABEH Julio.
,

.