David Diaz: “Patriotizmu no Nasionalizmu Sai Buradu”

.

Jornal Timor Post - Sabadu, 01 Junho 2013 

Deputadu David Diaz Ximenes, husi bancada FRETILIN hateten, wainhira populasaun sira husi sidade Dili, fila ba ida-idak ninia Distritu maka patriotizmu no nasionalizmu sai buradu. 

 “Iha ita nia lei koalia desentralziasaun ne’e, maibe ita halua tiha populasaun sira husi Distritu Oe-cusse, Bobonaro no Covalima ba fali sosa material baratu iha Kupang,” dehan david wainhira hato’o nia preokupasaun iha Centru Convensaun Dili (CCD), Kuarta (29/05). 

 David hateten, Geografikamente Timor Leste la hanesan ho Portugal, cavo Verde ne’ebe ukun aan iha tinan barak nia ona, tanba ne’e wainhira Timor leste adopta sistema desentralizasaun ne’e no sei dependensia maka’as iha area ekonomia entaun sei hamosu problema. Nia mos sujere ba Governu katak kuandu koalia kona ba politika desentralizasaun administrative no poder lokal importante labele haluha seguransa. 

 Iha fatin hanesan, Prezidenti Parlamentu Nasional, Vicente Guterres hateten, rekursu humanus sai dezafiu boot liu atu implementa lei Munisipiu iha Timor Leste. 

 Nia hateten, atu halo lei ba munisipiu ne’e fasil liu, maibe Governu atu implementa lei ne’e ho diak mak sei difisil liu ba futuru. 

 “Hanesan uluk aprova tiha ona lei ida kona ba divizaun administrative teritoriu, agora ital abele preokupa ho lei ne’e, mais ita tenki prepara uluk rekursu umnaus par abele implementa lei ne’e ho diak,” dehan Vicente. 

Tanba ne’e, kriasaun komisaun instaladora hodi prepara rekursu humanus ba munisipiu ne’e importante tebes atu hadia errus iha nivel sentral ne’ebe uluk ita komete tiha ona. 

Iha fatin hanesan, Deputadu Aniceto Guterres hateten, programa desentralziasaun no poder lokal ne’e diak ba nasaun ne’e, maibe problema mak seidauk iha lei kona ba munisipiu. 

“Hau hanoin ita husu lai ba Governu atu hatama lalais proposta lei ida kona ba munisipiu nian para ita bele deskute, se hanesan ne’e problema boot,” nia preokupa.

,