“Avo Laulu Iha Kupang Buka Familia Beasu no Hakarak Fila Mai TL”

.

Foto daqui

Jornal Timor Post - Kuarta-Feira, 12 Junho 2013 

Avo Laulu ho idade 80 ne’ebe mak refujiadu ba Tuapukan (Kupang-Indonezia) hakarak fila mai Timor-Leste. 

Avo Laulu oras ne’e hela iha kampu Tuapukan (KUapaun), nia mos refujiadu husi Timor Leste, depois de referendum iha 1999 hamutuk ho nia oan mane naran Xisto Gomes, nia konsege hela deit ho nia oan mane mesak ne’e durante fulan lima deit, tanba Xisto ne’ebe nuudar funsionariu Indonezia (PNS) ne’e mate no husik avo ne’e hela mesak. 

Tuir informasaun ne’ebe Timor Post asesu husi Face Book (FB) hateten, oras ne’e avo Laulu hatutan moris ho kuda toos rasik ho nia liman rua ne’ebe sei bele uza tamba laiha ema ida mak atu tau matan ba nia, maske ho idade ne’ebe aumenta ba beibeik. 

Aliende ne’e, Avo ne’e hetan ajuda fos no batar husi vizinu sira ne’ebe hanoin nian, nudar refujiadu ne’ebe moris iha ema nian rain susar tebe-tebes atu hetan netik hahan hodi sustenta nia moris. Avo Lalulu hakark fila fali mai Timor leste iha Suku beasu, Distritu Viqueque hodi bele moris hamutuk fali ho familia boot iha ne’eba no nia espera iha ema ruma mak lee notisia ne’e, hatutan hela nia lia menon ba familia sira hodi lori fila Avo Laulu mai Timor Leste. 

Nune’e ba leitores no rona nain sira ne’ebe konese avo ne’e nia familia, bele hato’o hela mensazen Avo Laulu nian ba familia sira, tamba oras ne’e dadaun Avo hein hela familia sira nia laran luak hodi lori fila hikas mai Timor-Leste, liu-liu iha rai moris fatin Beasu, Distritu Viqueque.

.