“Timor-Leste Hakarak Le’es Akordu 2006”

.

Jornal Independente - Kinta-Feira, 16 Maiu 2013 

Timor-Leste buka atu lees akordu kona-ba fahe rendimentu mai rai no gas husi kampu Greater sunrise iha Tasi Timor, tanba nia dehan Australia halo movimentu espiaun hasoru nia durante negosiasaun laran iha pasadu. 

Jornal ida iha Australia, Sydney Morning Herald, foin dadauk publika katak, Timor-Leste hasai ona prosesu arbitru hodi hasoru akordu tinan 2006 ne’ebe koalia kona ba oinsa fahe resndimentu husi kampu gas. Jornal ne’e hakerek katak, Timor Leste konsidera akordu ne’e invalidu, tanba Australia la konduta negosiasaun iha 2004 tuir dalan diak. Iha nia livru, “Shakedwon”:Auatralia’s Grab for Timor Oil”, Paul Cleary, eis Jornalista media Fairfax ne’ebe uluk hola parte iha ekipa negosiasaun Timor-leste, hakerek Primeiru Ministru Mari Alkatiri fiar katak, Governu Australia hafuhu sira durante negosiasaun iha Canberra iha Setembru 2004. 

Delegasaun Timor Leste hapara sorumutu iha sira nia otel, tanba tauk Governu Australia monta ona buat ruma hodi hatene saida mak sira atu koalia. Iha estatmentu konjunta foin dadauk ne’e, Ministru Enerjia Australia, Bob carr no Prokurador Jeneral Mark Dreyfus dehan alegasaun ne’ebe mosu ne’e la’os buat ida foun, no buat ne’e iha ona pozisaun Australia atu halo konfirmasaun ka rejeita. 

Maibe estatmentu dehan, Australia sempre tau nia aan profisionalmente iha negosiasaun diplomatiku no inisiativa diak. Australia dehan, nia konsidera akordu ne’ebe asina iha 2006 ne’e validu nafatin. Akordu ida ne’e fo rendimentu husi Greater Sunrise, ne’ebe nia hela iha Kilometru 450 husi Darwin-Australia no Kilometru 150 deit husi Kosta soul Timor Leste nian. Don Rothwell, professor direitu Internasional iha Universidade Nasional Australia, dehan fahe rendimentu sai nudar fonte tensaun, Timor Leste fiar akordu fo benefisiu liu ba Australia, no buka fronteira maritime permanente ida, ne’ebe karik sei tau kampu Greater Sunrise iha Timor Leste nia Fronteira Maritima. 

Timor Leste hahu inisia arbitru iha akordu 2002 nia okos, professor Rothwell dehan iha pregunta legal ida kona ba desputa akordu 2006 bele rezolve iha prosesu arbitru ne’ebe tau iha akordu 2002 ka lae. Kuandu arbitrusaun prosesu problema sei desidi husi membru tolu husi Tribunla ida, kompostu husi nomiadu ida husi Timor Leste no Australia no ida husi terseiru nasaun, maibe, nia dehan Australia bele lakohi hodi partisipa iha arbitrusaun ida ne’e. 

Entertantu, embaixador TL ba Australia, Abel Guterres dehan, Timor Leste no Australia nudar vizinhu diak no iha relasaun diak nomos kooperasaun sei kontinua, maske iha diferensia sira. 

Nune’e, iha publikasaun Jonal Independente horseik, Primeiru Ministru xanana Gusmao husu ba Timor oan tomak hodi hamutuk defende rikusoin mina no gas.

.