Terminal Kombustivel Iha Hera: “Timor GAP Hahu Ona Fa’an Mina”

.

Jornal Nacional Diario Sesta-Feira, 10 Maiu 2013 

Empreza Nasional Timor GAP, E.P, loke ona terminal fa’an mina ba publiku ne’ebe lokaliza iha Suku Hera, Sub-Distritu Cristo Rei, Distritu Dili. Mina ne’ebe Timor GAP E.P fa’an ne’e mai husi kompania nasional mina Malaysia nian (PETRONAS) ne’ebe halo refinaria iha Malaysia. 

Mina ne’e nia kualidade hanesan mos ho mina seluk iha Eropa, tanba tula diretamente iha fatin refinaria PETRONAS nian hodi mai fa’an iha Timor liu husi empreza Timor GAP E.P. Terminal fa’an mina ne’e, Kinta (9/5), lans ona husi Ministru Petroliu no Rekursu Naturais, Alfredo Pires, hodi loke ba publiku atu bele asesu sosa mina kualidade Eropa iha Timor GAP E.P. Ro’o ne’ebe mak fasilita tula mina husi refinaria PETRONAS nian ne’e mak MT, Budi Mesra husi Global Carrier Berhad, Malaysia hodi atesta mina diretamente ba terminal Timor GAP, E.P nian. “Timor GAP iha knaar boot ida atu asegura katak, nasaun ne’e labele mosu iha situasaun krize mina, tanba ne’e mak ita iha ona terminal atu fa’an mina no mina mos iha ona,” afirma Alfredo Pires. 

Alfredo mos informa katak, pasu ida ne’e hanesan progresu ki’ik oan ne’ebe kontribui ba dezenvolvimentu no la kleur tan sei Timor GAP E.P mos sei loke stasoen kombustivel iha distritu 13 hodi bele kobre nesesidade povu tomak nian kona ba mina. 

“Atu fo hatene ba seitor privadu katak, laos Timor GAP maka atu jere mina fuel station sira ne’e, ita sei halo kompetisaun ida ba seitor privadu Timor hamrik kompete se’e mak manan sira mak sei jere mina fatin sira ne’e,” Alfredo espkika hikas hodi husu ba seitor privadu sira ne’ebe mak fornese kareta mian nian atu tula ho didiak hodi labele hetan dezastre. 

“Governu tenke responsablzia ahi labele mate, Governu sei responsabliza ba sasan ne’e labele nakfera, se nakfera iha Dili laran ema sei lakon sira nia vida,” hateten Alfredo Pires. Alfredo hatutan, Timor GAP sei la hamonu seitor privadu, se mak atu foti mina bele, depois halo negosiu. 

.