“Taur Prepara Hale’u Mundu”

.

Jornal Timor Post - Kinta-Feira, 16 Maiu 2013 

Tuir ajenda, Prezidenti da Republika, Taur Taman Ruak hahu iha fulan Junhu tinan ne’e hala’o vizita haleu nasaun hamutuk sanolu resin iha mundu. 

Objetivu vizita ne’e atu responde vizita xefe Estadu no Xefe Governu husi nasaun isra antes ne’e mai Timor-Leste, hodi hametin liu tan lasu kooperasaun entre nasaun hotu iha mundu. 

 “Ajenda vizita Prezidenti Republika ba liur neste momentu planu hela ba Junu, Jullu, Setembru no Novembru, perkore kuaze nasaun sanulu resin hodi koalia sobre kooperasaun no entre estadu Timor Leste ho nasaun hirak ne’ebe mak atu vizita ba,” informa xefe Casa Civil Prezidenti Republika, Fidelis Magalhaes, ba Jornalista sira, Kuarta (14/5), iha Palasiu Prezidensial Bairo Pite, Dili. 

Planu iha fulan Junu nia laran sei ba nasaun rua hanesan Indonesia, Nova Zelandia, depois fulan Julhu sei ba Australia Vizita fatin sira Cambera no Sydney, depois ne’e prezidenti republika, Taur Matan Ruak sei vizita ba Portugal. 

Husik tiha Portugal, Xefe Estadu ho nia komitiva sei partisipa iha Asembleia Jeral Nasoens Unidas iha Nova Yorkem Cuba, Brazil. 

Depois ajenda iha fulan Novembru nian, Prezidenti Republika sei ba jepaun hodi haree besik liu tan dezenvolvimentu ne’ebe nasaun sira iha. Husi jestu vizita ne’e atu responde fali vizita ne’ebe mak antes ne’e Xefe Estadu, no Xefe Governu husi nasaun internasional mai iha Timor Leste iha tinan 2012 hodi partisipa iha selebrasaun restaurasaun independensia bad ala 10 no serimonia tomada de pose ba Prezidenti Republika, Taur Matan Ruak. 

.