Jornal Nacional Diario - Sesta-Feira, 17 Maiu 2013
Tribunal Rekursu (TR), Kinta (16/5) hatun despaixu ba rekursu
insidenti de suspencao Prizioneira Lucia Lobato nian ne’ebe hatama iha
loron 15 Abril 2013 ho numeru prosesu 8/insidenti de suspecao/2013/TR.
Iha despasu ne’e, TR haruka ba iha Tribunal Distrital Dili (TDD) atu
husu ba TDD notifika Ministeriu Publiku (MP) hodi nune’e MP bele halo
pronunsia ba rekursu ne’e no iha tempu badak nia laran TR bele foti
ona desizaun ba rekursu ne’e.
Informasaun ne’ebe JNDiario asesu husi ofisial justisa iha TR katak,
iha rekursu insidenti de suspecao Lucia LObato husu atu suspende juis
sira ne’ebe involve iha nia prosesu, nune’e la bele involve tan iha
nia prosesu, no juis ne’ebe mak kaer nia prosesu ne’e hare katak,
rekursu ne’e MP presiza halo pronunsia.
Antes ne’e, Advogado Lucia Lobato nian, Jose Pedro Camoes esplika
katak, rekursu ne’e hanesan rekursu foun ida ne’ebe sira hatama, tanba
sira konsidera desizaun husi prosesu Lucia Lobato ne’e la justu hotu,
basa, ema balun ho juis balun mos tau kanuru tohar (campur tangan) iha
prosesu desizaun pena prizaun ba Lucia Lobato.
Rekursu Lucia Lobato nian ne’e husu mos ba konsellu Superior
Majistratura Judisial (KSMJ) atu suspende juis sira ne’e husi sira nia
servisu.
.
Sem comentários:
Enviar um comentário
Nota: só um membro deste blogue pode publicar um comentário.