“Publiku Hein Susesu Miss Timor-Leste”

.

DIGNIDADE DAS SENHORAS TIMORENSES, NO SEU MELHOR! Foto de, B'linha Costa

Jornal Independente - Segunda-Feira, 13 Maiu 2013 

Ministeriu Turizmu no Kultura Kontinua matein Programa Miss Timor Leste atu la’o daudaun, maske hamosu preparsaun oioin, maibe publiku mos hein hela susesu husi planu ne’e. 

Tuir Melinia Barbosa, komunidade Dili fo nia apresiasaun ba Programa Miss Timor_leste 2013, hodi bele promove feti nivel nasional no mos bele iha posiblidade ba Miss internasional. 

 Melinia dehan, planu ne’e importante duni ba nasaun doben ida ne’e, maibe tenki iha programa kontinuasaun. 

“Tanba sa mak, hau dehan hanesan ne’e, hau kestiaona ida ne’e, tanba haut auk mandatu governasaun ida ne’e hotu, governante foun lidera fali, governante ne’e hakarak kontinua planu ne’e ga lae? lae ema dehan planu ne’e soe deit,” dehan nia. 

Melinia haktuir tan katak, durante ne’e publiku kestiaona maka’as no kontra planu ne’e, maibe publiku presiza hatene katak planu ne’e tenki susesu duni, tanba atu promove kolega feto sira ne’ebe bonita ho kapasidade diak iha nivel internasional. 

Nune’e, mos catarina de Jesus fo ninia hanoin katak, Miss Timor-Leste fo motivasaun ba feto foin sae sira iha turismu nian, tanba Governu mos iha komitmentu atu dezenvolve feto Timor-Leste liu husi promosaun. 

“Maibe hau nia preokupasaun mak ne’e, planu ne’e tenki iha kontinuasaun ba oin, se lae aban bain rua governu foun ida sa’e mak estrutura Governu nian troka halo nusa,” husu nia. 

Ba kestaun ne’e, antes ne’e, Prezidenti grupu Mulleres Parlamentares Timor Leste (TL) (GMTL), Josefa Pereira orgullu ho planu ne’e, maibe kontra ho kriteriu ne’ebe hasai husi Ministeriu Turizmu, tanba tenki buak feto bonita deit. 

 “Agora hau la gosta mak kriteriu ne’e, tanba buka feto Bonita sira deit, oin furak no oin diak, se feto sira oin la diak atu ba tau iha ne’ebe, karik feto sira ne’ebe beleza natural ne’e mak domina ia lingua oi-oin halo nusa,” kestiaona deputada FRETILIN nee. 

Tuir loloos, Deputada ne’e esplika, criteria ne’e tenki nakloke ba ema hotu, atu nune’e la bele hamosu diskriminasaun entre feto sira. Deputada FRETILIN ne’e fo ezemplu, feto ida la dun Bonita, maibe feto ne’e domina iha lingua halo nusa. 

 Deputada FRETILIN ne’e promete atu hein susesu husi Governu, liu husi Ministeriu Turismu ne’ebe mantein implementa programa Miss Timor-Leste ne’e.

.