“Promesa Xanana Husi Likisa To’o Ermera”

.

Jornal Independente - Segunda-feira, 06 Maiu 2013 

Primeiru Ministru Kay Rala Xanana Gusmao durante konsultasaun publiku ba segnugu faze iha Distritu Likisa no Ermera promete ba komunidade sira iha Distritu rua, atu sei tau matan ba rekursu no potensia ne’ebe Distritu ne’e iha. Iha Distritu Likisa, PM Xanana dehan, sei promove noa halo promosaun ba area Turizmu iha Distritu ne’e. 

Nia dehan, Distritu Likisa bele sai hanesan fatin turistiku ne’ebe konesidu tanba area ne’e uniku. “Hau mos sei ajuda imi hodi promove potensia Likisa nian iha area Turizmu,” katak Xanana. 

Entertantu, ba komunidade sira iha Distritu Ermera, PM Xanana promete atu promove rekursu naturais iha Distritu ne’e. Xanana dehan, Ermera Potensia tebes ba produtu kafe no rekursu naturais iha rai okos. 

“Hau mak sei promve imi nia turizmu mota bandeira, uma lulik iha katrai okos, bee liu iha Era-ulu, bee mutin hanesan susu been iha Atsabe, bee mean iha Ermera no bee manas iha Hatulia,” katak nia. 

.