“Projeitu Estrada Metinaro-Laklo, MOP Konsidera Ilegal”

,

Jornal Nacional Diario - Kinta-Feira, 16 Maiu 2013 

Ministru Obras Publiku (MOP), Gastao de Sousa, konsidera projeitu rehabilitasaun estrada husi Metinaro ba Laklo, Distritu Manatuto, illegal tanba laiha konhesementu husi Ministeriu Obras Publiku. 

Ministru Gasta’o Sousa, haruka ona ninia directores hodi fo karta xamada dala hat ona ba emprezas ne’ebe ezekuta obra illegal ne’e, maibe la hatudu kooperasaun diak hodi kontinua halo servisu ba obra ne’ebe la iha konesementu husi MOP. 

MOP Gastao Sousa hato’o lia hirak ne’e ba Jornalista, Kuarta (15/5), relasiona ho kompanha balun ne’ebe mak kaer obra hodi loke estrada husi Metinaru-Dili ba Laklo-Manatutu la iha konhesementu husi MOP. 

“Ita nia emrezariu sira tenki displina, projeitu ne’e labele halo tuir hau nia hakarak e tenki lao tuir planu Governu nian, hau dehan tiha ba Diretur, se imi la halo ida ne’e imi mak sei sala, ne’e mak ita komesa eduka ita nia emprezariu sira tuir dalan ne’ebe ke los, ida ne’e mak importante ita tenki komesa buat sira hanesan ne’e,” esplika Gastao Sousa. 

Iha parte seluk, Ministeriu Obras Publiku (MOP) iha Kuarta (15/5) realiza Workshop ida kona-ba ejekusaun Orsamentu 2013 no preparasaun orsamentu ba tinan 2014. 

Gastao dehan, ejekusaun orsamentu tenki realistiku no tenki tuir ema ninian kapasidade, se’e la’e husi ministeriu tau orsamentu boot no fin lori ba Parlamentu Nacional (PN) aprova maibe husi Ministeriu labele ezekuta. 

“Tanba se’e la’e ita tau orsamentu bobot iha ne’eba no fin dia, ita lori ba PN aprova tiha, maibe ital abele ezekuta, ne’e hatudu katak, ita kapasidade la iha, hau hanesan Ministru hau sente moe, tanba hau la iha kapasidade atu ejekuta orsamentu ne’ebe kef o mai ministeriu, tanba ne’e hau dehan ba diretore sira halo favor sira cek fali ho didiak duvidas husu kedas esklarese iha ne’eba para Ministeriu Finansas iha gabinete Primeiru Ministru para hases duvidas sira ne’e hotu, hau mos husu atu servisu iha Ministeriu laran tenki iha kordenasaun ba malu ho diak, atu nune’e servisu hotu bele lao diak,” dehan Gastao.

,