“PR Taur La Fo Indultu Ba Dadur”

.

Jornal Nacional Diario - Kuarta-feira, 22 Maiu 2013 

Tinan-tinan selebrasaun loron boot nasaun nian, Prezidenti Republika (PR) iha kompetensia ezekutivu atu fo indultu ba dadur ka prizioneirus ne’ebe kumpri ona metade de pena, maibe, iha komemorasaun loron restaurasaun independensia ba dala 11 (20 Maiu 2002-20 maiu 2013), Prezidenti Taur Matan Ruak, la fo indultu tamba seidauk iha pedidu. 

 Ministru Justica (MJ), Dionisio da Costa Soares babo, eslika katak, iha selebrasaun loron restaurasaun independensia, tinan ne’e, PR Taur la fo indultu tanba seidauk iha pedidu atu fo indultu no seidauk iha prizioneirus ida ne’ebe mak merese atu hetan indultu.
 .
Ba Jornalista iha Palacio Prezidnesial, Aitarak laran, MJ Dionisio Babo, klarifika katak, Ministeriu Justica seidauk sujere dadus Prizioneirus ba Prezidenti Republika, tanba maioria Prizioneirus seidauk kumpri criteria bazika hanesan, tenke kumpri metade de pena no komportamentu diak. 

Iha mos konkordansia ona entre PR Taur ho Ministeriu Justica atu la fo indultu ba dadur sira ne’ebe mak komete krime abuzu seksual ho homesidiu. 

,