“PN Nota Membru Governu Hadau Malu Servisu”

,

Jornal Nacional Diario - Sesta-Feira, 10 Maiu 2013 

Reprezetante povu iha uma fukun Parlamentu Nasional (PN) nota durante ne’e, membru Governu iha Governu konstitusional ne’e servisu hadau malu de’it, tamba servisu la tuir ida-idak nia area. 

Parlamentu Nasional (PN) aprova orsamentu Jeral do Estadu (OJE) 2013 iha fulan Fevereiru tinan ne’e ho montante U$1.3 Bilioens ne’ebe mak Prezidenti da Republika (PR), Taur Matan Ruak promolgu iha loron 1 Marsu fulan hirak kotuk liu ba. 

“Se ita haree media publika, DEPFOPE mak serviasu barak liu, orsidade sa’e kareta, sae kuda, sa’e biskleta, sae motor, maibe ema servisu demais mos halo buat ruma lalos, hanesan ami ba Ermera, ami simu konteksasaun husi administrador Distritu nian dehan estrada ami nia iha merkadu nia oin, nia sorin ba ne’eba ne’e estrada uluk luan kareta rua bele hasoru malu, agora SEPFOPE mai halo nia valeta ne’e luan liu fali estrada kareta ida deit mak bele liu, nebe komik oituan maibe ida ne’e mak rejultadu,” deklara Vice Xefi Bancada FRETILIN, Francisco Miranda Branco ba JNDiario (9/5) iha Parlamentu Nasional hodi fo komentariu ba serviso Governu iha kintu Governu Konstitusional ne’e. 

Tuir Francisco Branco, loloos membru Governu ida-idak halao ninia serviso tuir ida-idak ninia area ne’ebe mak iha hodi rejultadu ne’ebe mak diak. 

“Hau hanoin diak liu ida-idak hala’o ninia serviso, husi obras publiku nian husik obras publiku mak halao ninian, ida ne’ebe formasaun ba rekursu humanus, por que, se lae ita hakarak halo serviso hotu depois balun lalos,” koalia Branco. 

Nia parte mos preokupa estrada iha kapital Dili iha fatin barak ke to’o ohin loron sei kontinua aat inklui estrada distritus to’o sukus nebe mak sei kontinua at. Branco haktuir, membru Governu nudar servidor povo halao serviso ho diak no onestu no ho espiritu nasionalismu hodi bele lori rai ne’e ba futuru ne’ebe diak. “Ita tenki ho espiritu nasionalismu iha ita nia laran para ita bele halo buat sira ne’e hotu ho respeita ida ba sira ne’ebe mak servi rai ida ne’e,” koalia Branco. 

Entertantu, deputadu Bancada CNRT, Cezar Valente de Jesus komenta liu tan katak, tuir fiskalizasaun PN observa implementasaun OJE 2013 ne’ebe mak membru Governu sira halao la tuir planu ne’ebe mak iha ona. 

“Hanesan Sekretariu EStadu, membru do Governu sira halo audensia ho komisaun sira, sira informa ita haree katak mesak didiak, mas parte seluk orsamentu ne’ebe aprova ninia implementasaun sira la kondisiona ho buat sira ne’ebe hakerek iha dokumentus sira, ida ne’e mak rezultadu ami nia fiskalizasaun,” afirma deputadu Cezar. 

 Deputadu CNRT ne’e la menta mos kondisaun estrada iha fatin hotu-hotu kontinua at ba bei-beik, laiha ai moruk, ambulancia no mos merenda eskolar paradu no seluk tan, maske nune’e, ho esperensia membru governu sei halao servisu ho rejultadu ne’ebe mak diak. 

,