“PM Xanana Ameasa Setor Privadu”

.

Jornal Nacional Diario - Tersa, 07 Maiu 2013 

Primeiru Ministru Kay Rala Xanana Gusmao mos ameasa setor privadu atu hasai tiha setor privadu nia naran husi V Governu Konstitusional ida ne’e, Kuandu Camara Municipiu la realiza iha Distritu Dili. 

“Hau husu ba setor privadu atu bolu malu hodi deskute problema ida ne’e, sei imi la bolu malu hau (Xanana) sei hasai tiha imi nia naran hodi la temi tan setor privadu, ne’ebe hau husu ba imi identifika tok potensial capital Dili ne’e to’o iha ne’ebe,” husu PM xanana. 

PM Xanana dehan tan katak, atu prepara oinsa mak desentralizasa, matenek nain sira ne’e labele mai iha capital Dili hetan tiha osan ne’e, han didiak tiha no halo tiha sira nia uma iha nee didiak tiha, hodi hafoer Dili laran,” katak xanana. 

 PM Xanana haktuir, ba setor hotu-hotu, ida ne’e laos halimar ninian, tanba Dili kapital nasaun ninian, ho ninia realidade diferente tebe-tebes tanba ne’e ema hotu deskute ba hodi hasai kapital nasaun ne’e. Nia hatutan, ita hare Dili ne’e laos sentru urbanu lolos, maibe sidade rural, tanba karau, bibi no fahi mos sei iha kapital laran. 

 “Ita atu sai municipiu maibe ho karau ho fahi, bibi hotu iha laran, entaun ita nia municipiu ‘paling jelek di dunia ini’ laos paling foer tanba, foer ne’e ema hotu hatene foer, jelek ne’e make ma ida rua deit,” tenik Xanana. 

Xefi Governu ne’e salienta, criteria sidadaun capital Dili ne’ebe at no foer hanesan ne’e, so 2017 mak foin sai municipiu. Halo tiha buat ruma iha fatin ruma, governu bag anti rugi tiha, nia ba fali fatin seluk hodi halo nafatin, tanba Miss-Miss sira ne’e iha hela sidade Dili hotu nia sorin, Miss kordenation, Miss koperation, miss information, no miss sira seluk tan, PM Xanana kestiaona. PM xanana realsa tan katak, Municipiu ne’e atu Timor oan hotu hamriik hodi nune’e ema labele sama tan, tenki tau hamutuk hanoin atu defende Timor nia soberania. 

 “Dia 25 tku 07:00 dader, tanba sabadu ne’e imi la servisu, hau mai iha ne’e tuku neen ho balun, Ministeriu sira ne’e tenki mai hotu, Miss-Miss sira ne’e mos tenki mai hotu, 25 hau hakarak hare imi nia oin iha ne’e, hau husu ba matenek sira atu labele buka promosaun deit no labele buka atu han osan deit, ita nia rai ne’e atu ba ne’ebe,” afirma PM Xanana. 

,