“Ospital Referal Suai Deve Mina To’o U$10 Mill”

.

Jornal Timor Post - Kinta-Feira, 16 Maiu 2013

Ospital Referal Suai (Distritu Covalima), deve ona mina to’o U$10 mill, tanba ospital presiza mina, atu halo eletrisidade funsiona hodi atende pasiente sira. 

Kestaun ne’e hato’o husi Deputadua Joao Adriano, husi bancada PD bainhira debate espesial ho Ministru saude, dr. Sergio Lobo iha Parlamentu Nasional, Tersa (24/5) foin lalais. 

 “Senor Ministru! Ministeriu saude seidauk selu osan U$ rihun 10, mina nai eize beibeik atu selu osan ne’e, tanba nia mos hala’o negosiu mina liu husi kredit, agora mina nain nia osan la iha, atu selu osan funan ba Banku, povu maka sai vitima nafatin,” deputadau Joao esplika. 

 Nia dehan tan, utilizasaun mina husi komunidade durante ne’e, salva ona ema barak nia vida, maibe to’o agora governu seiduak selu. 

Nia mos hatutan tan katak, Parlamentu Nasional aprova ona orsamentu retifikativu ho orsamentu jeral Estadu 2013 montante ida boot tebes, realidade iha impleentasaun jestaun ai-moruk, ekipamentus, kareta ambulansia la lao diak to’o agora. 

 Kona-ba asuntu ne’e, Ministru Lobo Pronete sei distribui ai-moruk ba Distritu, maibe to’o agora seidauk iha pedidu ruma husi Distritu kona ba falta ai-moruk iha ospital. Ministru rekonese, Hospital referral Suai deve mina, tanba dala ruma loro-loron ahi mate, ospital deve mina to’o osan U$5-U$6. 

Maibe, maske Ministeriu husi ona atu halo pagamentu, maibe Ministeriu Financas la bele selu tanba la iha kontu. 

 “Kazu mal jestaun ne’e iha hela inspetor jeral nia liman, halo hela investigasaun,” nia esplika ba reprejetante povu sira iha uma fukun PN.

.