“Ohin, PN Hasai Imunidade Borlaco”

.

Jornal Timor Post - Tersa, 07 Maiu 2013 

Tersa (7/5) ohin, membru Parlamentu Nasional (PN) terseira lejislatura halo debate iha Plenaria Parlamentu Nasional hosi hasai imunidade ba Sekretariu Estadu Firtalesementu Institusional (SEFI) Francisco Borlaco, nune’e bele kumori ajenda julgamentu iha loron 28 Maiu 2013 oras tuku )9:00 OTL. 

Debate ne’ebe ohin deputadu sira halo bazeia ba karta notifikasaun husi Tribunal Distrital Dili (TDD), tersa (07/5). Deputadu Mateus de jesus, nuudar Prezidenti komisaun G ne’ebe trata asuntu etika dehan, liu husi desizaun plenaria maka parlamentu atu suspende ka la suspende kargu ne’ebe Borlaco assume hela. 

“Agora hela semana hirak nia laran, Parlamentu tenki debate ba nia imunidade para husik nia servisu oituan prepara atu hataan iha Tribunal,” informa deputadu mateus ba Jornalista sira hafoin plenaria iha PN, segunda (6/5). 

 Tanba ne’e, nia dehan, sira nia komisaun desidi atu hasai tiha Francisco Borlaco nia imunidade no suspende husi nia kargu nune’e nia (Francisco Borlaco) bele deskonsa hodi atensaun liu ba problema ne’ebe nia atu hasoru. 

Entertantu, segundu Vice Prezidenti parlamentu nasional, Aderito Hugo esplika katak, imunidade ne’ebe foti ba membru Governu ou membru deutadau, tan sir assume kargu politiku ne’ebe halo servisu estadu nian livre husi regras (kebal hokum) maibe hanesan sidadaun iha lei nia okos. Nia dehan, wainhira liu husi prosesu julgamentu final mak nia (Borlaco) komete duni hahalok ne’e, obrigasaun tenki kumpri nia pena hanesan ema sidadaun baibain, portantu se la sala nia kontinua halao nia servisu. Iha sorin seluk, Deputadu Estanislau da Silva husi bancada FRETILIN hateten katak, maske Borlaco hanesan membru Governu hanesan mos sidadaun ida tenke hatan iha Tribunal tuir lei ne’ebe mak iha. 

“Hau hanoin itala bele tauk atu hatan iha Tribunal, atu koalia lolos ita halo sala ou la sala, la presiza parlamentu foti imunidade, Primeiru Ministru foti desizaun depois ba hata’an,” dehan nia. 

Nia mos kestiaona katak, PN foti imnidade ba Borlaco, bainhira Tribunal foti ona desizaun final ba nia, karik hetan kondenasaun la liu tinan 2 mak bele foti imunidade, maibe liu tinan 2 ba leten PN labele partial. 

Nune’e tipu krime ne’ebe Borlaco hasoru maka, abuju poder no frau de fiskal ne’ebe previstu ona, iha artigu 314 kodigu prosesu civil hateten, ema ne’ebe atu la selu ka fo fatin ba ema ne’ebe la selu totalmente impostu, taxa ka obrigasaun petuniaria piskal ne’ebe tenki selu ba estadu tanba la deklara faktu ne’ebe fo fatin ba tribusaun ne’ebe presiza atu halo liquidasaun (a). 

No deklara inkoretamente faktu ne’ebe serve hanesan baze ba tributasaun (b), imede ou meu naran ida ka sonege element nesesariu atu halo fiskalizasaun ba atividade ka fatu ne’ebe fo fatin ba tramitasaun ajente ne’e sei hetan pena tinan 2-6 kadeia, (c), kuandu kuantia devida sei a’as liu U$5,000 ajente ne’e sei hetan kastigu tinan 2-8. 

 Enkuantu kazu ne’e, tama iha Tribunal Distrital Dili (TDD) iha loron 24 Janeiru 2013 hodi regista ho numeru entrada 02/2012/TDD, no kazu ne’e rasik registu iha Ministeriu Publiku ho numeru prosesu NUC:2488/II/PDDIL. 

,