“MS Lobo Kansela Derepente Kontratu Istana Farmacia”

,

Jornal Independente - Kinta-Feira, 16 Maiu 2013 

Prosesu tenderizasaun sosa ai-moruk ba Ministeriu saude (MS) komplikadu, Klinika Istana Farmacia konsege halo ona kompras hodi sosa aimoruk, tanba sai vensedor tuir kriteriu SAMES nian liu husi konkursu, maibe ikus mai derepente de’it Ministeriu saude kansela tiha. Asionista (Na’in Istana Farmacia) Balthasar Elu hateten, Governu hapara ona kontratu ho sira (Istana Farmacia) maibe asionista ne’e la esplika detaillu razaun hapara kontratu ne’e. 

Tuir empreza nain esplika, hafoin manan tender sira halo kedas kompras hodi sosa ai-moruk, derepenti de;it iha loron 18 fulan Abril foin lalais, nia rasik hetan kontaktu husi Ministeriu saude hodi informa katak, kontratu ne’e kanseladu, tanba lei aprovizionamentu la premiti istana Farmacia atu tuir konkursu ne’e. 

“Governu kansela ami tanba dehan la priense criteria, Ekonomikamente ami lakon tanba hatama tiha ona ai-moruk balun, maibe dereenti kanseladu fali,” dehan Elu. 

 .

Elu esplika, prosesu tuir tenderizasaun hodi sosa ai-moruk ba ministeriu saude katak, nia empreza hetan kuotasaun husi SAMES, iha fulna-Fevereiru foin lalais, sira envolve iha kompetisaun atu sosa ai-moruk, entre empreza barak ne’ebe tuir kompetisaun ne’e, Istana Farmacia konsege sai nuudar vensidor tuir kriteiru SAMES nian. 

Ho situasaun ne’e, Istana Farmacia asina fali akordu hodi foti fila fali ai-moruk sira ne’ebe hatama tiha ona iha SAMES. 

Iha parlamentu Nasional foin lalais ne’e, Xefe bancada PD, Maria Luordes M’Besa sente konfuzaun mos tanba saida mak MS tenke envolve Istana Farmacia iha Projeitu sosa ai-moruk. Bazeia ba informasaun ne’ebe nia hetan, kontraru ne’e asina iha loron ida de’it, osan ba kontratu primeiru ne’e kuaze millaun U$700 no kontratu segundu mak halo ho Istana Farmacia. 

 Ba kestaun ne’e, Sergio Lobo rekonese kansela kontratu ho Istama Farmacia tanba iha potensia konflitu de interese, maibe Ministru ne’e la esplika detaillu konflitu interese ne’e. 

Entertantu, Lobo mos ho diplomasia katak, ho eskrita nia nu’udar asionista, maibe realidade la’os, tanba, apotik hotu-hotu ne’ebe nia nain laos Timoroan, maibe tenke iha Timor oan ida atu rejista hanesan asionista atu bele rejista. 

”Uluk hau ajuda kolega balun loke apotik balun iha Dili, inklui Istana, maibe desde kaer kargu hau husu sira atu hasai tiha hau nia naran,” dehan Lobo. 

.