“Mina Ba Jerador Laiha, Adia Opera Pasiente”

.

Jornal Independente - Kinta-Feira, 02 Maiu 2013 

Pasiente no familia pasiente ne’ebe halo tratamentu saide iha Ospital referral Distritu oekusse lamenta ba atendementu iha Ospital ne’e tanba dala-barak hadia halo operasaun ba pasiente. 

Entertantu, husi parte Hospital hateten, problema ne’e akontse tanba mina ba jerador laiha. Familia pasiente ida ne’ebe lakohi publika nia identidade ba Jornal INDEPENDENTE hateten, doutor iha Hospital ne’e hadia dala tolu ona prosesu operasaun. 

Fonte ne’e dehan katak, razaun husi doutor sira katak, nia familia ne’ebe moras labele hetan operasaun lalais tanba eletrisidade mate-lakan no mina ba jerador ospital laiha. 

Tanba situasaun ne’ebe laiha mudansa, parte ospital hala’o transfere pasiente, liu-liu inan isin rua ne’ebe hein atu partus ba Ospital Nasional Dili. Aleinde fo impaktu ba operasaun, problema ne’e fo mos impaktu ba pasiente, liu-liu inan isin rua ne’ebe hein atu partus. 

Hatan ba kestaun ne’e, Diretor infarmajen Ospital refral Oekusse, Mateus Korbako dehan, atendementu ba pasiente tarde oituan tanba alokasaun kombustivel husi nasional tama tarde. Diretor ne’e mos, informa kona ba problema kareta ambulansia iha ospital ne’ebe mak a’at besik tinan ida ona. 

Nune’e mos, aliende falta kombustivel ba gerador, hospital hasoru mos difikuldade ba kareta ambulansia rua ne’ebe mak aat kuaze besik tinan ida ho balun. 

Nota:  E existem CADELAS em Timor-Leste que dizem que 200 mil dólares não resolvem a pobreza do povo. DEVIAM DE SER TODOS FUZILADOS, CRIMINOSOS!!!

,