“ME Hala’o Sosializasaun Lian Materna Iha Ermera”

.

Notisia Husi TVTL - Segunda-Kalan, 13 Maiu 2013 

Implementasaun Lian Materna ka lian inan atu fasilita alunus sira hodi fasil liu atu lee, hakerek no halo konta, Ministru edukasaun hato’o asuntus ne’e wainhira sosializa lian maternal iha Distritu ermera ne’ebe suporta husi UNESCO no Sentru Juventude Distritu Ermera. 

Ministru Edukasaun foin lalais ne’e hala’o sosializasaun lian Materna ka lia inan iha Gleno Distritu ermera. Maioria alunus, profesores no inan aman partisipa sosialziasaun ne’e hodi rona politika implementasaun Lian materna ne’ebe antes ne’e sai preokupasuan ema balun. Ministru edukasaun Bendito Freitas hateten, Lian Materna importante atu fasilita alunus sira hodi tuir prosesu aprendisazen. 

“Plitika lian inan ka lian maternal ne’e atu fasilita primeiru ano de aprendizazen iha grao eskolaridade pre eskolar nian ne’e, fo sosializasaun iha ne’e hodi bele fasilita, bele fo informasaun ida ne’ebe ke klaru, konkretu, kumprensivu para hotu-hotu hatene katak, lian inan ne’e laos sai hanesan lian ofisial edukasaun, ita nia ofisial ita kontinua lian Portugues i mos tetun maibe iha faze ke fundamentu aprendizazen ne’e hahu ho lian inan,” dehan Bendito. 

Entertantu, Diretor Edukasaun Distritu ermera Mauricio dos Reis hateten, prosesu implementasaun lian Materna ne’e diak tamba alunus, liu-liu labarik pre eskolar no eskola primaria sora fasil hatene lee, hakerek no halo konta. 

.