Jornal Independente - Sesta-Feira, 17 Maiu 2013
Grupu Organizasaun Sosieade sivil ne’ebe forma Komite Anti Miss Timor
Leste konsidera inisiativa husi Ministru Turizmu no Kultura hodi halo
dialogu ho kubu pro-kontra Miss TL 2013 tarde ona.
Reprezetante Komite no atual Diretora Rede Feto Jacinta LUzinha
hateten, lolos MTK presiza halo konsulta ho grupu feto sira molok
implementa programa ruma ne’ebe relasiona ho promosaun ba feto.
“Sira hatene katak, iha organizasaun feto bar-barak iha ne’e, sira
bele hahu ho konsultasaun, bele hatene pontu de vista husi feto,”
hateten Jacinta iha kaikoli (16/5).
Dadauk ne’e, MTK hahu ona programa Miss TL iha Distritu balun.
“Planu ita haree katak tenki realiza duni, foin Ministru Turizmu
hanoin atu halo konsultasaun, foin hanoin atu halo debate,” katak nia.
Maski nune’e, nia dehan, Komite Anti Miss Timor nunka taka odamatan
atu iha prosesu diskusaun, pozisaun husi komite ne’e, nia dehan, klaru
katak kontinua kontra programa Miss TL 2013.
.
Sem comentários:
Enviar um comentário
Nota: só um membro deste blogue pode publicar um comentário.