Kazu Hera: “Xanana Husu Taur Interven”

.

Jornal Timor Post - Kuarta-Feira, 08 Maiu 2013 

Primeiru Ministru kay rala Xanana Gusmao husu ba Prezidenti Republika Taur Matan Ruak atu interven ba julgamentu kazu joven ida mate iha Hera ne’ebe deskonfia involve husi ajente Polisia ida. 

Iha enkontru regular entre Xefi EStadu ho xefe Governu koalia mos situasaun eleisaun 2012 to’o fo sai rejultadu no ikus hamosu konferensia CNRT hodi forma governu to’o ikus fo sai rejultadu hamosu insidenti barak hanesan iha Hera, estudante Universitariu, Armindo mate hodi haree prosesu julgamentu ba kazu ne’e, tanba ne’e husu ba xefe estadu atu interven tuir kompetensia. 

“Kazu iha Hera, hau mai aprezenta ba prezidenti para prezidenti haree took hodi koalia no intervein, hau koalia maibe labele interven kona ba kazu joven ida mate, tanba polisia ajente ida ne’ebe dehan involvidu no hau simu mos komandante eskuadra Becora nian ne’ebe sai testamunha, sira hotu senti iha julgamentu Tribunal no investigasaun Ministeriu Publiku ladun konsidera fator barak,” PM xanana dehan. 

Nia hatutan,” hau dehan se ita nia justisa hanesan ne’e kuandu akontese buat ruma, Polisia la preokupa-an ona, lei loos duni maibe susar problema ita haree liu ba nia kontiudu maibe la haree liu ba fator sira ne’ebe iha, tanba ne’e bele mosu dezmotivasaun husi Polisia sira,” Xanana dehan tan. 

Ho julgamentu ne’ebe mak halo iha Tribunal, Ministru defeza no seguransa ne’e hateten, loloos justisa tenki haree ba fator husi problema ne’e, labele haree deit tanba mate, ho ida ne’e bainhira akontese problema ruma polisia basa ema ruma dehan kontra direitus humanus entaun impaktu boor ida. 

“Ita hakarak husu autores justisa para justisa labele ho letra, justisa ne’e justa tenki haree ba fatores barbarak,” Xanana afirma. Entertantu, asuntu seluk ne’ebe sai diskusaun ho PR taur mak justisa forma, tanba ne’e zefi governu informa ba Prezidenti Republika katak bainhira halao divulgasaun desentralizasaun iha Covalima bainhira hasoru Juiz Portugues ida koalia oinsa atu haree mo snivel social, kultura no povu ninian, diak liu tau matan mos justisa informal, hodi rezlve problema barak, lae formal deit Timor oan sira ba deit Tribunal ho kazu kiik ida ba kastigu iha komarka. 

Tanba ne’e, Xefi Governu ho Prezidenti Republika sei koordena hamutuk tan hodi kria komisaun ida diak, nune’e bele hamosu hanoin ida diak kria justisa informal. 

 Relasiona ho kestaun ne’e, PM xanana husu ba matenek nain sira para haree ona kodigu sivil para ajusta hodi atende ba kazu sira, tanba kazu sosiais no kultura mak ho deit justisa formal sei la konsege fo solusaun diak.

.