Haluha Martir Patria Ermera: “Dudu: Munisipiu Sei La La’o”

,

Jornal Timor Post - Segunda-feira, 06 Maiu 2013 

Eis komandante FALINTIL Rejiaun IV Ernestu Dudu Ameasa, molok Governu implementa Kamara Munisipiu iha Distritu 13, labele halua haloot uluk ruin husi restu mortais ne’ebe seidauk hetan to’o agora inklui iha Rai Ernera, tanba sira ma sei garante susesu husi munisipiu ne’e rasik. 

“Maluk sira ne’ebe uluk Luta no ohin loron sira nia isin dodok lemorai, governu to’o oras ne’e seidauk aloot didiak sira nia ruin iha area mamlau nian,” Dudu hateten lia ne’e, liu husi dialogu divulgasaun planu no programa desentralizasaun Kamara Munisipiu, Sabadu (4/5) iha salaun administrasaun Gleno, Distritu ermera. 

 Nia hatutan, Komandante saudozo Nino Konis Santana maka hamutuk ho nia gerileiros sira iha reijaun IV ne’e, ne’e duni, heroi barak ninia ruin sei butuk hela iha area manlau nian, Dudu dehan, dala ruma lekrauk mak han ona, no mos dala ruma mota lori balu ona. 

“Nudar veteranus hau husu ba Governu iha ka lae, planu ruma atu haloot tiha mate runi sira ne’e, tamba herois sira ne’e mate tamba liberta patria no povu ida ne’e,” Dudu realsa. 

Nia hatutan, bainhira mate ruin hirak ne’e haloot hotu ona, implementasaun kamara munisipiu sei lao ho susesu, tanba, Timor-Leste hetan independensia liu husi saudozu sira nia sofrementu. Tanba ne’e, nia informa ba xefi Governu Kay Rala Xanana Gusmao katak implementasaun kamara munisipiu lao, konsellu veteranus mos tenki hamrik, nune’e maka Armera oan sira sei moris hakmatek. 

“Governu tenki tau konsiderasaun ba kestaun ne’e, tanba rohan husi ukun rasik aan, ne’e maka ruin husi saudozu sira nian,” nia konfesa. Eis Komandante ne’e hatutan, ruin saudozu sira nia iha Distritu ermera ne’e loloos sira haloot hotu ona, maibe orden husi nasional katak tenki hein lai orsamentu jeral estadu, maibe mate ruin sira ne’e oras ne’e dadaun sei butuk hela iha Mamlau. 

“Kuandu mate ruin sira ne’e haloot hotu ona, hau fiar implementasaun kamara Munisipiu sei hamriik metin iha Ermera, se lae Eremera ona sira sei la kontenti,” dehan Dudu. Hatan ba preokupasaun ne’e, Primeiru Ministru kay Rala Xanana Gusmao esplika, TL iha rihun atus rua eroi, governu sei fo valor ba sira ne’ebe mate. Maibe, nia dehan matenek sira sei tutan ba malu hodi servi no valoriza sakrifisiu husi rihun atus rua ne’ebe mate iha rai doben ida ne’e. 

Eis Lider rejistensia ne’e dehan tan, hisi sira nia mate ita harii instituisaun estadu, harii governu no hetan moris diak ne’ebe naton, maski povu barak mak sei moris iha lina pobreza nia okos, maibe respobsalidade estadu no governu nian sei tau valor a’as liu ba mate ruin atus rua ne’e. 

.