“F-FDTL-PNTL Sei Treinu Hamutuk Ho Militar EUA”

.

Jornal Nacional Diario - Kinta-Feira, 09 Maiu 2013 

FALINTIL-Forca DEfesa Timor Leste (F-FDTL), Policia Nasional Timor Leste (PNTL) no seguranca civil, iha tempu badak sei halo treinamentu hamutuk ho militar Estadu Unidus Amerika (EUA) kona ba Poska andamentu. 

“Exercicio ho Forca Americano sira ho ita nian halo exercicio Crocodile, xercicio Cobra halo ona, no semana oin mak halo exercicio konaba poska Andamentu iha Tasi-Tolu ho PNTL ho Policia Maritima, Seguranca Civil,” dehan Xefe Estadu das F-FDTL Maijor jeneral Lere Anan Timur ba Jornalista sira iha Palacio Prezidensial, Aitarak Laran, Dili, Kuarta (08/5), hafoin hasoru malu ho Prezidenti da Republika Taur Matan Ruak. 

Treinamentu hamutuk entre F-FDTL, PNTL no Siguransa Civil hamutuk ho Forsa Amerikanu ne’e sei hahu iha loron 14 fulan maio ne’e iha Tasi-Tolu. Aliende ne’e, Maijen Lere Anan Timur mos informa katak, Xefi Estadu Taur Matan Ruak apoio atu implementa militar obrigatorio maibe presiza kria uluk kondisaun ne’ebe diak. 

Durante hasoru malu ho Xefe Esatdu ne’e koalia oituan mos kona ba implementasaun obrigatoriu. “MIlitar obrigatorio ne’e ami koalia mas, ne’e presiza kria kondisaun sei barak para ita halao militar obrigatorio ne’e, Prezidenti konkorda mash au mak dehan presiza kria kondisaun uluk lai,” afirma Xefi Estadu F-FDTL ne’e. 

 Iha enkontru entre Maijen Lere Anan Timur ho Xefi Estadu Taur Matan Ruak koalia liu-liu ba situasuan sira iha rai laran no situasaun militar nian. Xefi Estadu das F-FDTL ne’e hatutan konaba situasaun iha rai laran ne’ebe oras ne’e diak tebe-tebes kompara ho rai seluk, tanba ne’e husu atu labele preokupa ho situasaun iha rai laran nian, tanba situasaun diak hela. 

.