Eskola no Igreija Ameasadu “Pe. Parokia Manatutu Husu Apoiu Urzenti Ba Governu”

.

Notisia Husi TVTL - Segunda-Kalan, 13 Maiu 2013 

Eskola Pre Sekundaria inklui Sentru Formasaun Madre manatutu oras ne’e dadaun ameasadu tamba moru ne’ebe sata Tasi naksobu kuaze metru 700 resin. Padre Parokia Manatutu husu apoiu urjenti ba Governu atu hadia. 

Tuir observasaun Televizaun Timor Leste hetan iha Distritu manatutu kona ba estragus husi tasi, dalan ne’ebe iha tasi ibun ho supervizi ida maizumensu metru 700. Ho estragus ne’e, wainhira governu la tau atensaun atu hadia nia impaktu sei ba eskola pre sekundariu Manatutu no sentru formasaun madre sira nian tamba moru naksobu dadaun. Ba TVTL, Padre Paroku Manatutu hateten, Governu tenki fo atensaun lalais ba estragus ne’e, tamba se lae impaktu sei boot liu tan. 

“Ami aproveita tempu hanesan ne’e, e husu ba governu atu iha tempu badak nia laran projeitu ne’e bele realija lalais, atu nune’e bele proteje igreija no kolegio madre sira nian no eskola rentaun, ida ne’e mak hau hakarak hato’o, dehan Amu Paroku. Padre Beni salienta liu tan katak, durante ne’e nia hato’o ona proposta ba governu maibe to’o oras ne’e nunka iha resposta.