Deputadu PN Kestiaona: “Miss Timor La Oportunutu No La Reprezenta Situasaun Povu”

.

Jornal Independente - Tersa, 07 Maiu 2013 

Deputadu Virgilio da Costa Hornai husi bancada PD, la menta ho programa Miss Timor ne’ebe leariza husi Ministeriu Turizmu no Kultura konsidera la oportunu na la reprezenta situasaun povu nian ba oras ne’e. 

Virgilio Hornai hato’o kestaun ne’e iha plenaria Parlamentu nasional tanba simu karta protesta husi sosieade civil hamutuk 13. “Hau simu karta protesta husi ONG 13 iha ne’e, sobre Miss Timor, agora buat ne’e iha inisiu hau hateten katak, la oportunutu ita atu halao buat ida Miss ne’e, tanba ita nia situasaun rasik sei hanesan,” hateten Virgilio iha Parlamentu (6/5). 

Nuudar komisaun F, Vergilio dehan, tuir lolos nomeia ema ba Miss Timor tenke fo konsiderasaun no preokupasaun ba publiku, atu nune’e PN mos bele fo konsiderasaun politika de ezekusaun Governu tenke iha konsistencia. 

“Ne’ebe iha ne’e hau temi mos katak, diak liu hau foti hanesan komisaun F mak hau foti iha ne’e katak, nomeia ema tenki fo konsiderasaun ba preokupasaun publiku, ida ne’e maka hau hanoin, hau fo sai ida ne’e para PN fo konsiderasaun, liuliu politiku de ezekusaun governu nian tenki iha konsistencia,” dehan nia. Entertantu, deputadu Pedro de Martires da Costa husi bancada CNRT mos kestiaona programa Miss Timor ne’ebe uza fali osan estadu nian. 

“Miss Timor ne’e laos buat aat ida, bua diak ida atu promove ita nia feto foin sae sira, maibe buat ne’ebe ema hotu deskontenti mak ne’e, uza fali orsamentu jeral do estadu nian ba halo fali buat ne’e,” dehan Pedro. Tuir nia programa Miss Timoratu lao diak, dika liu Miniteriu kompotente buka osan rasik husi doadores balun hodi nune’e labele uza fali osan estadu nian. 

 “ Lolos uza hanesan bai-bain nia karik, hanesan produtu Make-Up sira ne’e mak uza ema Miss Timor, sira ne’e atu promove produtu sira, laos ba uza fali orsamentu jeral estadu ba halo fali Miss Timor, ne’e mak sai problema boot iha ita nia rain ne’e,” lamenta Pedro. 

,