“Defeza Lucia Protesta Ministeriu Publiku”

.

Jornal Independente - Segunda-Feira, 13 Maiu 2013 

Ekipa Defeza Lucia Lobato hatama ona karta protesta hasoru Ministeriu Publiku (MP) tanba arkiva keixa ne’ebe ekipa advogadu ne’e hato’o. 

Ekipa Defeza Jose camoes hateten, arkivamentu ne’ebe MP halo la loos, tanba baibain bainhira MP hahu prosesa investigasaun ruma tenki rona uluk deklarasaun husi vitima ne’ebe hatam keixa. “Karta ida ne’e, bele dehan hanesan rekursu ba protesta ba Ministeriu Publiku ba nia arkivamentu,” Informa Jose ba Jornalista sira iha Tribunal, Dili, Sesta (10/5). 

Tuir nia, arkivamentu ne’e la tuir lei tanba iha artigu 229 kodigu prosesu penal dehan, se fo objeitu notisia krimi ne’e majistradu ida tenkiser dejignasaun de inkeretu ba majestradu ne’ebe kategoria atigudade hanesan. 

Nia fo ezemplu, hanesan sira hato’o keixa ne’e hasoru juiz nain tolu ne’ebe sira nia grau antigudade ne’e aas liu ba prokurador ne’ebe investiga sira, entaun ne’e la dun tuir regras. Tanba antigudade juis ida konsidera juis primeiru klase tuir kategoria juiz nian prokurador ne’e terseira klase antigudade. “Tuir mai nia here ne’e iha nolidade tuir loloos prokurador nomeia ema ida besik malu ka grau hanesan para sira halo investigasaun dia liu,” hateten Jose. 

Antes ne’e, MP uza lei kodigu penal artigu 285 kona ba denunsia kalionioza (Pencemaran nama baik) hasoru prizioneira Lucia Lobato tanba konsidera keixa ne’ebe ekipa advogado Lucia hato’o ba MP laiha evidensia. 

Qeixa ne’ebe ekipa advogadu Lucia hato’o tanba deskonfia envolvimentu Juis Tribunal Rekursu balun no deputadu Aniceto Guterres iha desizaun ba kazu Habeas Corpus

.