Claudio Hato’o Petisaun Ba MP “Deputadu Aniceto Prontu Hata’an”

.

Notisia Husi TVTL - Segunda-Kalan, 06 Maiu 2013 

Prezidenti Tribunal Rekursu (TR), Claudio Ximenes aprejenta ona petisaun ida ba Ministeriu Publiku (MP) hasoru deputadu Aniceto Guterres. 

Bazeia ba deklarasaun husi deputadu Aniceto Guterres kona ba faktus balun ne’ebe hatudu, liu hudi print out nomero telefonika Timor Telekom (TT), entre prezidenti Tribunal Rekursu ho Lucia Lobato, ne’ebe tuir Claudio Ximenes katak, ne’e hanesan akuzasaun falsu, tamba me’e halo prosesu legal hasoru Deputadu Aniceto Guterres. 

Hafoin hasoru malu ho Prezidenti da Republika segunda feira ne’e iha Palasiu Prezidensia Aitarak Laran, Prokurador Jeral Republika Jose da Costa Ximenes hateten katak, petisaun ne’ebe aprejenta husi Prezidenti Tribunal Rekursu dirizi ba Ministeriu Publiku ne’ebe oras ne’e prosesu hala’o iha prokurador Distrital Dili. 

“Kestaun ida ke haruka mai Prokurador Jeral mash au haruka ba Prokurador Distrital Dili (PDD) ne’ebe iha kompetensia para atu halo investigasaun,” dehan PJR Jose Ximenes. 

Objetivu Prokurador Jeral da Republika hasoru malu ho Xefe do Estadu hodi informa servisu ne’ebe nia hala’o hafoin tomada de Posse iha fulan ida ba kotuk. 

Antes ne’e, deputadu Aniceto Guterres liu husi media nasional hateten katak, pronto atu hata’an keixa no nia rasik prepara evidensia balun tan atu hasoru Claudio Ximenes. 

.