“CAC Investiga Tan Pedro Lay”

.

Jornal Nacional Diaro - Tersa-Feira, 21 Maiu 2013 

Comissao Anti Corupcao (CAC), Sesta (17/5), bolu tan Ministru Transporte no Komunikasaun (MTK), Pedro Lay, hodi submete ba investigasaun hanesan testamunha kona ba kazu mal Administrasaun no abuzu poder ne’ebe akontese iha Ministeriu nia laran. Ministru Pedro Lay to’o iha Edifisiu CAC tuku 10.00 OTL ho kareta Mazda Numeru 30-333G hodi submete ba investigasaun to’o tuku 15.00 OTL. 

Pedro Lay hateten, nia prezensa iha CAC ne’e atu fo informasaun klean ba CAC kona ba kazu balun ne’ebe mosu iha Ministeriu nian. “Kona ba kazu saida mak hau mai iha ne’e haul abele hatete sai, tamba sei segredu Justisa tuir artigu 64,” hateten Pedro Lay ba Jornalista sira. 

Nia dehan, iha investigasaun ne’e parte CAC fo pergunta rua deit, oras sira seluk ne’e halo diskusaun deit mak barak. 

“Iha laran ne’e ami koalia halimar deit, perguntas hirak oan deit, ami hanesan diskusaun no hau esplika i fo informasaun ba sira, maibe ne’e ituaun de’it ami halo diskusaun mak barak,” hateten Pedro Lay. 

Antes ne’e, iha Kinta (16/5), CAC mos bolu ona Director Jeral MTK Fernando da Cruz, no iha fali Kuarta, bolu mos Sekretariu Estadu Obras Publiku (SEOP), Domingos Caeiro hodi fo deklarasaun ba CAC. 

.