“PN Sei Hasai Imunidade Borlaco To’o Desizaun Tribunal Tun”

.

Jornal Nacional Diario - Kinta-Feira, 02 Maiu 2013 

Semana oin, Parlamentu Nasional sei hasai Imunidade Sekretario Estadu Fortalesementu Institusional, Francisco da Costa Soares ‘Borlaco’ desizaun tribunal tun. 

 “Imunidade uluk hau hateten tiha ona katak, Komisaun G la hasai imunidade ida ne’ebe piska-piska, piska-piska ne’e signifika katak, ohin nia ba halo julgamentu iha Tribunal bana nia fila fali mai kontinua ninia kna’ar hanesan membru Governu ou membru deputadu ruma, ami la hanoin hanesan ne’e, ami hakarak kumpri lei, ami hasai total ne’ebe ami nia komisaun halo parecer ida katak, hasai ninia imunidade to’o ninia prosesu ne’e hotu, maibe ida ne’e kabe ba plenaria mak foin bele desidi,” dehan Prezidenti komisaun G parlamentu nasional ba asuntu etika, Mateus de Jesus ba Jornalista sira, Tersa (30/4) iha Parlamentu Nasional. 

Nia hateten, parlamentu lakohi repete saida mak akontese iha pasadu katak, parlamentu nasional hasai imunidade ba membru governu ou membru parlamentu ne’e hafoin presta iha Tribunal fila fali halao knaar hanesan baibain ne’e Komisaun G hakarak mak hasai total, maibe depende ba plenaria mka sei desidi. 

Iha semana liu ba komisaun ba G ba asuntu Etika produs tiha ona paraser no aprova tiha ona ba iha meja Parlamentu nasional, iha semana oin ne’e sei halao diskusaun no halao votasaun sekreta ba imunidade Borlaco. 

Mateus de Jesus esplika liu tan katak, abuzu de poder ne’e tinan 1 to’o 4, maibe ne’e depende ba desizaun Tribunal nian, Primeiru julgamentu Francisco da Costa Borlaco sei halao iha loron 28 maiu ne’e.

.