Basta no para ona koalia Miss TL!

.

Arsénio Bano - Facebook

Ministro Turismo ( MT) ba rai TL sebele halo klaru ona ba publiku Timor Oan katak programa Miss Timor sei adia ba tinan hirak oin mai wainhira rai nee iha kondiasaun mínimo iha sectores chaves sira hanesan saúde, edukasaun, infra-estruturas, agricultura no seluk tan. 

Ita budu an deskuti Miss Timor-Leste iha tempu hanesan ita lee notícias triste deit kona situasaun hospital sira administra lalos. 

Oinsa ita bele koalia ho orgulho no kontente ba iniciativa Miss TL wainhira ita hare hela aimorok falta iha hospitais sira, geradores lafunsiona, estradas át Iha fatin fatin, kiak iha fatin fatin, kondisaun feton sira mukit no ita rain nee sei hasoru problemas barak iha sectores sira seluk? 

Basta, no diak liu Miss Timor-Leste, Ministerio Turismo planeia ba tinan no tempu seluk.. Hodi ita bele deskuti mak problemas seluk penting liu iha rai nee. 

Sujestaun ba MT hare explora ideas hadian turismo iha rai laran hodi bele atrai turistas rai laran no liur no rai ne'e bele sai furak ba ita hotu. 

Oinsa ita bele kontente ho Programa furak Miss Timor Leste iha rai ida sei sabraut no hasoru hela problemas barak???

Basta no para ona koalia Miss TL!

,