“Bandeira RDTL Husi Negosiu Ilegal”

.

Jornal Independente - Tersa-Feira, 14 Maiu 2013 

Tama ba loron restaurasaun Independensia Timor Leste ba dala 11 ne’ebe monu iha loron 20 Maiu tinan ne’e, negosiante sira hahu faan Bandeira RDTL no atributu sira seluk ne’ebe sai mos hanesan dezena iha dalan ibun sidade Dili. 

Mosu pergunta iha publiku nia hanoin, Bandeira no atributu hirak ne’e se mak faan no mai husi ne’ebe? Tuir informasaun ne’ebe jornal ne’e konsege rekoila hatudu katak, ema hirak ne’ebe faan atributu hirak ne’e tama mai Timor Leste ho viza Turista. 

 Deni Lukman, Ema Indonesia ida konfesa katak, nia mai ho viza turista hodi faan bandeira RDTL no atributu sira seluk iha Dili. Deni hateten, nia servisu ba nia patraun husi Indonesia ne’eba, ne’ebe kada fulan U$50 (RP 50.000) ba nia. “Hau mai iha Timor Leste atu faan Bandeira. 

Bandeira sira ne’e produs (cetak) iha ne’eba, Hau faan iha ne’e loron 13 ona,” dehan nia ho dada-lia ho Jornal INDEPENDENTE, iha area Mandarin (13/5). Bandeira ne’ebe Deni faan ho folin husi U$1 to’o U$5, kada loron Deni dehan nia bele hetan U$5. 

 Vendedor seluk husi Indonesia, Dani ne’ebe fa;an Bandeira RDTL iha area Kolmera hateten lia fuan hanesan katak, nia mai faan tanba patraun mak haruka. Nia rekonese katak, nia uza duni viza turista hodi tama iha TL.

.