“Alfredo-Alkatiri Deskuti Projeitu Tasi Mane”

.

Jornal Nacional Diario - Tersa-Feira, 14 Maiu 2013 

Ministru Petroliu no Rekursu Minerais (MPRM), Alfredo Pires, foin lalais ne’e hasoru malu ho eis Primeiru Ministru, Mari Alkatiri hodi koalia sobre projeitu tasi mane iha Costa Sul no mos Zona Industrial iha Distritu Oecusse. 

Ministru Alfredo Pires hateten, hasoru malu ho eis Primeiru Ministru, Mari Alkatiri atu hato’o deit informasaun jeral kona-ba projeitu tasi mane no mos Zona industrial nian, nune’e wainhira implementa projeitu hirak ne’e la bele halo esforsu dala rua. 

“Hanesan Ministeriu sira seluk, liu-liu Ministeriu Petroleu ne’ebe ita iha projeitu boot iha Costa Soul no mos iha Zona industrial, entaun ita presiza kordena para labele halo esforsu dala rua, dala ruma it abele halo mais dala ruma ita sei hare lai,” eslika Ministru Alfredo Pires ba Jornalista ne’e iha Edifisiu Ministeriu Negosiu Estranjeiru no Koperasaun (MNEK), Sesta (10/5). 

Alfredo hateten, enkontru ne’e mos atu rona malu ho kompletu malu kona ba projetu tasi mane ho Zona industrial Oecusse nian. Iha sorumutu ne’e Alfredo mos informa ba Alkatiri kona ba lanu atu hamosu industria mineral iha Cairrabela, Distritu Baucau projeitu mineral. 

“Iha projeitu boot ida ne’ebe ita sei hanoin hela deit ba iha Cairabela nian, ita mos bele fo hatene katak iha posiblidade, se ne’e kuandu loos bele mosu Zona industrial boot ida iha Cairabela kona ba projeitu mineral nian,” Alfredo hateten. 

Konaba projeitu tasi mane, Alfredo dehan, Mari Alkatiri mos ofisialmente hatama Australia iha Tribunal arbitasaun hodi buka rezolve problema CMATS nian. Kona fali ba tender Aeroportu Suai, Alfredo informa katak, semana ida ou rua tan bele hatene ona kompania ida ne’ebe mak atu manan, tanba ida ne’e tender internasional. 

Kona-ba Auto Estrada 27 de Maio tender mos remata ona depois ita sei hare kompania ida ne’ebe mak sei hetan mais sei iha prosesu atu halo avaliasaun deit lori tempu naruk. Ba Supplay Base bele fulan ida ne’e remata, ita hatama ona supply Basse ba iha prosesu tender ne’e sei lori tempu fulan 7 tanba projeitu boot. 

Projeitu sira ne’e sei halo mos e sei halo evaluasaun, negosiasaun no mos tenki hatama tan iha Tribunal de contas hodi fiskalija neebe sei han tempu fulan 1 to’o fulan 3. 

.