“Adidu Manuel Hasai Direitu Bolseiru Na’in 10”

.

Jornal Timor Post - Tersa, 07 Maiu 2013 

Adidu Edukasaun husi Ministeriu edukasaun (ME) iha Embaixada Timor Leste (TL) ba Filipina, Manuel do Carmo foti desizaun hodi hapara bolseiru ba estudante Timor oan nain 10, ne’ebe oras ne’e hanesan estudante Universitariu iha Filipina. 

Deputadu Parlamentu Nasional husi Partidu Opozisaun FRETILIN, Osorio Florindo hato’o kestaun ne’e ba Jornalista sira iha Parlamentu nasional (PN), Dili, segunda (6/5). “Hau la hatene, governu fo mandatu ba adidu ne’e atu hasai Bolseiru nain 10? 

Maibe husi eskola rasik, la hasai bolseiru sira ne’e, tenke husu Ministeriu Edukasaun atu esplika, la bele halo bolseiru sira terus iha ema nia rain,” Osorio dehan. 

Tuir Osorio, Adidu esukasaun ne’e interven maka’as liu asuntu bolseiru nian,” iha nasuan seluk, adidu sira observa liu mak situasaun estudante sira, diferente ho Filipina,” nia hatutan, deputadu ne’e deskonfia, adidu ne’e halo korupsaun, Kolusaun no Nepotismu (KKN), tanba tuir informasaun, neebe deputadu Ososrio hetan, adidu ne’e tau importansia liu estudante ne’ebe iha relasaun familia, atu troka bolseiru sira ne’ebe manan konkursu estadu. 

Adidu Manuel hahu ba servisu iha Filipina desde 2010, depois Notisia ne’e fo sai Diario Timor Post, 

seidauk hetan konfirmasaun husi adidu Edukasaun no Ministeriu Edukasaun, maske tenta ona atu hetan klarifikasaun.

.