“Xanana Hakilar Francisco Guterres”

.

Jornal Timor Post - Kuarta-Feira, 03 Abril 2013 

Primeiru Ministru no mos Ministru defesa no Seguransa, Kay Rala xanana Gusmao hakilar Sekretariu Estadu Seguransa Francisco Guterres tanba la satisfas ho promosaun diviza ne’ebe la tuir padraun loloos hodi halo membrus barak kontenti. 

Informasaun ne’e hato’o husi fonte kredivel ida ba Timor Post iha Palasiu Governu, Tersa (02/4), hafoin remata reuniaun Konselu Ministru. Fonte ne’e haktuir, Xanana hisrus Guterres iha reuniaun Konsellu Ministru tanba ema ne’ebe valor diak la hetan promosaun diviza, maibe sira neebe valor kiik maka hetan fali diviza. 

“PM Xanana husu atu haree fila fali prosesu sira ne’e no buka atu hadia kedas failansu sira ne’ebe mosu,” nia sita Xanana nia lia fuan. Hafoin remata inkontru, Francisco Guterres rasik koalia ba jornalista sira katak, prosesu promosaun ba diviza ne’e tuir regulamentu ida-idak nian, ne’eduni valor husi prosesu ida ba prosesu seluk hal hanesan. 

“Sir abele liu iha teste seluk maibe enkuantu psiko teste mak sira la liu konserteza nia sei la hetan fatin, ne’e duni ita fo diviza ne’e la hanesan, laos ita naran fo de’it,” nia esplika. 

Maibe nia dehan, hanesan Sekretariu Estadu Seguransa, Francisco informa, nia kontinua buka atu hadia para prosesu tuir mai sei diak liu tan, nune’e ema hotu bele simu rezultadu ne’e ho kontenti. 

.