“PR Taur Rona Xanana Sobre PJR Foun”

.

Jornal Timor Post - Segunda-Feira, 01 Abril 2013 

Primeiru Ministru Kay Rala Xanana Gusmao hato’o nia hanoin sobre nomeasaun Prokuradoria Jeral Republika (PJR) tuir konstituisaun haruka maibe Xefe Estadu iha nia direitu perogrativu atu hili prokurador ida. 

Iha enkontru Xefe Governu, Xanana ho Prezidenti Republika, Taur Matan Ruak, Xefe Governu hato’o mos hanoin balun konaba nomeasaun ba PJR foun hodi troka Prokuradoria jeral, Ana Pessoa ne’ebe nia misssaun remata ona iha loron 27 de Marsu 2013. 

Tuir konstituisaun deskreve katak, nomeasaun PJR perogativu Prezidenti da Republika nian la hanesan ho komisariu PNTL ne’ebe mak nomea direitamente husi governu, maibe iha konstituisaun hatete momos katak, Xefe Estadu buka opiniaun no rona uitoan informasaun no kestaun balun husi governu konaba figura prokurador ne’ebe mak atu nomeia husi Xefe Estadu. 

“Perogativu Prezidenti da Republika nian, tanba ne’e hau labele koalia maske nune’e tuir konstituisaun dehan “ouvidu” (Rona) governu mas la signifika governu propoin, tanba ne’e hau fiar katak prezidenti sei hasai desizaun konaba nomeasaun PJR foun,” haktuir PM Xanana ba Jornalista sira iha Palasiu Prezidensial Bairo-Pite, Kuarta (27/3). 

 Antes ne’e, iha prokurador balun ne’ebe maka xefe estadu bolu ona hodi halo enkontru hamutuk kuaze dala rua liu, maske nune’e, prokuradoria hirak ne’e hatete katak, inkontru ne’e privadu. 

Prezidenti da Republika sei estuda hela figura prokurador nain 17 ne’ebe mak agora iha atu nune’e kompete ba fatin ida a’as liu ne’e hodi toma responsablidade ba prosesu justisa ne’ebe mak diak. 

.