“Lere Rezeita F-FDTL Iha CPD-RDTL Nia Kotuk”

.

Jornal Nacional Diario - Kinta-Feira, 04 Abril 2013 

Xefi Estado Maior Jeneral Forsa Armada F-FDTL, Maijor Jeneral Lere Anan Timur rezeita informasaun nebe serkula iha komunidade ninia let katak, F-FDTL iha grupu CPD-RDTL ninia kotuk. 

“SE F-FDTL, F-FDTL, F-FDTL laos CPD-RDTL, quer zer ita balun simpatiza, por kazu relasoens emosionais ne’ebe ke ita iha, por ke sira ne’eba ne’e ke ema barak husi kaldestina nian, veteranus ne’e ita sempre ita nia relasaun emosional ba malu,” Maijor Jeneral Lere Anan Timur deklara asuntu ne’e ba Jornalista sira kuarta (3/4) iha Palacio Prezidencial Bairo-Pite, Dili, wainhira responde hanoin balu ne’ebe dehan F-FDTL iha CPD-RDTL ninia kotuk. 

Lere afirma liu tan katak, durante ne’e CPD-RDTL la halo buat ne’ebe mak at ida. 

“Ital abele tanba sira CPD-RDTL, hau hanoin sira la halo buat at ida, sira nia sala mak sira kontra buat hotu-hotu ne’ebe ke ita nia Parlamentu desidi, ita nia Governu desidi, sira nia sala mak ne’e, mas apoia karik sira lori ona todan, mais tanba ho demokrasia ne’e ita tolera buat barak,” komenta Lere. 

.