Komunidade Asaltu Eis Deputadu Tara; “Riak Leman Konsidera Iha 2006 Mos Sira Halo Situasaun Sai Krizi”

.

Notisia Husi TVTL - Tersa-Kalan, 02 April 2013 Eis

Deputadu Agusto Tara, Reak Leman no L-7 sai vitima ba asaltu husi komunidade balun iha Suku Komoro Aldeia Gologota, komunidade hirak ne’e halo asaltu tamba la satisfeitu ho eis deputadu Agusto Tara ne’ebe atu okupa mos rai ne’ebe durante ne’e komunidade sira okupa.

Rai luan ho hektares boot ne’e mak hamosu problema ba komunidade balun ne’ebe hela iha area ne’e ho eis deputado PSD Agusto Tara. Rai ne’e nia nain loloos mak familia Carascalao, maibe familia Carrascalao fo autorizasaun ba komunidade balun ne’e hodi uza no kuda ai horis ba, maibe Agusto Tara mos hakarak okupa maibe komunidade hirak ne’e la hata’an hodi hamosu problema.

 “Ohin mak ba ami taha hudi sira ne’e hodi halo uma no fakar rai henek no fatuk, pronto, ami iha hela toos laran sira hataka ami, sira 2o resin mai tuda ami hodi defende ami nia han, rai ne’e senor Pedro Carascalao no xefe Suku mak fo hau, ba hau laiha problema” dehan Agusto Tara.

Iha asaltu ne’e, grupo ne’ebe okupa rai carrascalao nian hakanek ema nain rua, haraun kareta Angguna esi deputadu L-7, haraun mos trek Agusto Tara nian, inklui estraga uma vizinu nian no mos tuda uma eis deputadi Riak Leman.

 Maibe Riak leman haktuir, problema ne’e sira entrega ba polisia mak sei rejolve.

 “Iha informasaun sira ne’e la’os foin agora, sira ne’e beibeik deit ona, iha 2006 mos pareseke sira halo situasaun sai krizi, estabilidade, buat sira ne’e hotu, ida nene’e ami enteega ba estado liu-liu ba instituisaun PNTL ho F-FDTL sira mak bele hare kona ba ida ne’e,” dehan Riak Leman.

Polisia kaptura ona autor balun hodi halo deklarasaun iha Polisia eskuadra Komoro hodi hein prosesu tuir mai hodi rejolve problema rai no harauhun kareta ne’e.

,