Deskonfia PM Xanana Gusmao nia Subrinho Involve Disturbiu

.

TEMPO SEMANAL 

Tuir testamunia no nain husi hotel no restaurante besik metiaut dili lamenta tebes ho akontecimentu ida ne'ebe hodi estragus ba sira nia rendimentu. Tuir sira hahalok violencia ne'e krime nune'e husu atu PNTL labele asegura fali ema ida tan ba de'it ninia apalidu ne'e gusmao ne'ebe iha relasaun familias ho Primeiru Ministru Xanana Gusmao ne'ebe mos hanesan Ministru Defesa no Seguranca.

Tuir Ana nain husi restaurante ida iha metiaut ne'ebe mos hetan estragus tan ba hahalok atakes husi grupu ne'ebe lidera husi subrinhu Primeiru Ministru ninian ne'e dehan, "kala ninia tiun ema bo'ot ne'ebe polisia sira ohin dehan nia atu mai selu de'it ami nia sasan maibe loloos ne'e ninia hahalok ne'e krime mai asaltu ami nia restaurante. Ema ne'e AG, Xanana Gusmao nia alin nia oan mane." 

Nia hatutan kazu refere sira hatama ona keixa ba PNTL sira tan ba sasan restaurante ninian barak maka aat no ema nia moris hetan ameasas inklui seguranca ida mos hetan tan no hetan kanek maka'as iha ulun.

Tuir Veteranus balun ne'ebe sente la satisfas ho PM Xanana Gusmao ninia familias balun ninia hahalok hasai lian. "PM ninia familias rasik maka sei hamonu ninia fama tan ba sira la estuda husi failansu ne'ebe eis PM Mari Hasoru," dehan veternaus ne'ebe uluk mos besik los ba PM Xanana wainhira sei hanesan komandante en Xefe das Falintil.

Xanana Gusmao hanesan lider karismatiku iha Timor leste no mundu Internasional maibe iha tempu governasaun IV no V governu PM ninia kreidbilidade hahu kanek tan ba KKN ne'ebe komete husi ninia membru do governu sira no mos hahalok balun ne'ebe komete husi membru familias balun ne'e. 

"Maluk ha'u ko'alia hanesan ne'e la'os tan ba laran moras ba PM ninia familias ka membru go governu sira maibe hau preokupa ho PM Xanana ninia naran i ami nia domin ba nia ne'e hatudu husi ami nia vida la'os tan ba material ka relasaun familias," veternaus ne'e ko'alia ho lian aas liu tana.

Tuir Vitima balun ne'ebe sira nia sasan hetan estragus husi asaltu hodi kalan ne'e dehan se situasaun ne'e PNTL la foti asaun ho seriu maka sira sei tau hamutuk sasan ne'ebe estragus ne'e lori hela ba Ministru DEfesa no seguranca ninia fatin.

,