“Auto Estrada Dili-Baucau, TL Impresta US$60M”

.

Jornal Timor Post - Segunda-Feira, 01 Abril 2013 

Governu impresta osan US$60 miloens, husi Governu Japaun ne’ebe sei implementa husi JICA hodi halo auto-estrada husi Dili ba Baucau ne’ebe sei implementa iha tinan 2013. 

Lia hirak ne’e hato’o husi Sekretariu Estadu Obras Publika (SEOP), Luis Rodrigues ba Jornalista sira iha Jinajiu Gedung Matahari Terbit (GMT), Kuarta (27/03). “Osan ne’ebe mak ita nia governu impresta husi Governu Japaun US$60 miloens hodi halo Auto-Estrada Dili-Baucau,” dehan Luis. 

 Luis hatutan, imprestimu ne’e sei selu ba tinan 40 nia laran, i tuir lei petroliferu, it abele selu 1,5% ba impretismu ne’ebe halao ho Governu Jepaun ba auto estrada ne’e. Luis mos esplika liu tan katak, dalan Protokolu Dili ba Baucau ne’e japaun maka halo, husi Dili ba Fronteiras no Motain ne’e ADB mak halo, enkuantu Banku Mundial halo husi Dili ba Ainaro, implementasaun ba projeitu sira ne’e tenki realiza iha tinan 2013 ne’e nia laran, labele kleur liu se lae, obras publiku bele halao serviso, maibe ADB nian halao ona, hela JICA no Banku Mundial mak seiduak, tanba sei iha hela prosesu dezenhu. 

Inpresta osan husi Japaun ne’e, tanba sira hanesan ajensia bilateral, ita nia amigu ne’ebe mak it abele selu ba tinan 40 nia laran, tanba akordu husi JICA no governu Timor Leste halao ona iha governo anterior. 

Aleinde ne’e mos, Sekretariu Estadu esplika liu tan kona ba prosesu auto-estrada Beaco ba Suai, ne’ebe iha prosesu nia laran, pakote ida mak halo hela tenderizasaun ba aeroportu Suai nian, e agora depende ba dezenhu, no kuandu dezenho hotu ona mak sira tuir ona tenderizasaun. 

Signifika katak, iha lansamentu ne’e ofisialmente ita bele lansa ona projeitu ne’e ba iha publiku Internasional no mos nasional. 

.