“Seidauk Iha Desizaun Ba Mandatu Longuinhos”

.

Jornal Timor Post - Kuarta-feira, 06 Marsu 2013 

Maske mandatu komandante jeral Polisia Nasional Timor Leste (PNTL), Komisariu Longuinhos Monteiro atu remata ona iha loron 27 Marsu tinan ne’e, maibe governu seidauk foti desizaun hodi koalia kona-ba mandatu Longuinhos. 

“Ita seidauk iha desizaun kona-ba mandatu komisariu Longuinhos nia, tanba prosesu ne’e sei internal hela, ne’eduni husik lai ita lalika antisipa kona-ba ida ne’e, tanba Governu seidauk koalia kona-ba ida ne’e,” deklara Sekretariu Estadu Seguransa (SES), Francisco Guterres ba Jornalista sira, hafoin remata enkontru Konselu Ministru, iha Palasiu Governu Dili, Tersa (05/3). 

 Hata’an ba informasaun ne’ebe espailla iha publiku katak, agora dadaun iha ona kandidatu nain lima mak atu kompete ba kargu Komisariu PNTL, SES hatan katak, nia sei anunsia kuandu to’o ona tempu, maibe agora nia sei la informa kualker naran ida tanba seidauk iha deiszaun. 

 “Ami sei esplika prosesu tomak ba ita boot sira maibe kuandu to’o nia tempu, maibe agora seidauk bele informa tamba seidauk iha desizaun,” dehan SES. Razaun Governu labele publika informansoens kona-ba servisu polisia nian, tanba realsiona ho kareira, ne’e duni tenki kaer prosesu ne’e. 

.